السلام عليكم جميعا ً ..
فالبداية " لا يشكر الله من لا يشكر الناس " لذلك أحب أوجه شكر خاص لمن دعاني .. يزاه الله خير ..
وهذي مصافحة أولى أطرحها بين أياديكم .. عسى أن تنال إعجابكم ..
أصبحت يا بو عيون ٍ سود ودعاجه = آية حسن أبهرت لي عينه ادعاجي
وأمسيت طب ٍ لهذا القلب وعلاجه = رغم ان كل الخلايق عيّت اعلاجي
وآزمت وآزم خفوقي يرجو افراجه = من حبك اللي ابد مابه من افراجي
يا الحب الأول ويا ماضيه وسراجه = يا آخر الحب يا تاليه يالباجي
شفتك ولا شفت من يشبهك بغناجه = لأنك تربيت دلوع ٍ ومغناجي
يا حلو خدك طبيعي دون مكياجه = يا كيف لو صار فيه شوي "مكياجي"
حتى الرموش اصبحت للوجه ديباجه = وان سلهمت تم نبض القلب رجاجي
لك قلب وانا امتربع فوقه وتاجه = وانا ليه قلب ماغير انت له تاجي
يا كامل الزين زينك دايم احتاجه = والزين ميزه وكل إنسان يحتاجي
واعوام والشعر واسلوبه ومنهاجه = يرقون وارقى نوايفهم على مزاجي
واليوم لجلك غدى نيران وهاجه = وغديت من شدته ثاير ومتفاجي
شيبتني وانت توك ماتعرف حاجه = اصغير فالسن لكن ذرب الأخلاجي
تهجر ضنينك وتتعمد له ازعاجه = تتركه وحده يسامر ليله الداجي
يصبر وتسلى ف قصر ٍ عالي ابراجه = يصبر وتصبر ضواحي الحب وافلاجي
والصبر للهجر له مفتاح لإفراجه = وآنا ليه ذخر لو اتغلـّق اسياجي
لك شاعر ٍ ما يهاب البحر وامواجه = بالشعر دايم يسلي قلبه الشاجي
ما فيه حيله شديد ويصعب احراجه = ياك امتلهف ويسرد آخر انتاجي
وسلامتكم ..
ملاحظة: باب النقد مفتوح .. وبه نرتقي إن شاء الله
18 Jul 2008, 02:31 PM
.gif)
مصافحة أولى " كـاملـ الزينـ "
.gif)
