(( المعطف الصوف ))..

سعيد الاحبابي · 24 Jul 2008, 05:36 PM

.
.
.

بالروف يا كف الغرابيل بالروف
الياس كفّه قبل تاتي صفعني

وانا وحيدٍ في لقا زحمة كْفوف
يكفي دخيل الله..ارحل و دعني

قهواني الحظ الردي دلّة حْسوف
واْكلني التفكير حتى شبعني

تبعت همي والسبب شي معروف
واليوم دون اْسباب همي تبعني!!

الايام تمضي والفرح (درس) محذوف
من (منهج) افوادٍ بالاحزان معني

كم كنت انا محتار والسبّه حْروف
كلمة(دفا) يا معطفي ويش تعني؟!

حتى عرفت الهم والضيق والخوف
وفي وحدتي برد الليالي لسعني

بردان انا بردان ياْ (المعطف الصوف)
ابغي دفاك مْن الشتا ينتزعني

ناديت لك مشتاق/مشتاق/ملهوف
وناديت ثم ناديت..محدٍ سمعني!!

ابغي الدفا..جاني الجفا حامل سْيوف!!
قطّع شرايين الوصال وقطعني

والفت شيّ/ن من قبل غير مألوف
يا لين موق الشوق هلّ ودمعني

يا معطفي بخلق لك اعذار و ظْروف
كلّه سبب عمرٍ معك قد جمعني

وفاي لك فالبعد ما روّح حْسوف
وما ضرّني.. ان كان ما هو نفعني

شفت الخطا منك..ولا كنّي آشوف
واقول (ضعف الشوف) عنّه ردعني

وترى العتب والله ما هو على الشوف
شافتْه عيني..بس قلبي منعني!!!

اشكرك انا يا قلب سوّيت معروف
وفيت يوم انّه زماني خدعني
.

.

.
سعيد الاحبابي

مزيونه DXB · 24 Jul 2008, 06:02 PM

السَّلام عليكم ورحمه الله وبرڪـَآته ..~

يسعدلـي صبـآحڪ وممســاڪ
بڪل خيــَـر شيخي

مرحبـــاْ الســـاعْ فيكْ أخويـه

[ سعيد آلآحبابي ] .. نورت البقعهْ

صح لسآنك واعتـلا شآنك ،،

سلم لي منطٌوقك العذب خويـــه,,

لوحـــة فنيه متكاملهْ بخطوطها ،

حروف الإبداع تنادي حروف التميز

لتنسجْ روائع من تلكْ الأبيـــاتْ

مهمـآ شكرت ومهمـآ مدحت ،،

فلا أفيك حقك في الطرح الرآيــع ،،

دمت لنــآ شـآعر مميز ،،

ولا تحرمنـآ من آبداعات آلشعرية

لك مني كل الشكر والتقدير

مزيونه DXB

بكيت · 24 Jul 2008, 06:57 PM

سعيــــد الاحبابي

شاعر مميز له بصمه رائعة

متألق بقيثارته الساحره

معاني عذبه

وأسلوب ساحر

دمت مميزا

اخوك

سالم الكعبي

راشد الكشف · 24 Jul 2008, 09:11 PM

صح لسانك يالشاعر ..

ولا اقدر اقول غير ..

" أثلجت صدري " بهالقصيد الغاوي في " عزّ القيض "

غ ـالية الأثـمان · 24 Jul 2008, 10:48 PM

احب هالقصيده واااااااااااااااااايد

احب كل شي فيها . .

كلماتها . . معناها ..

التعبير الحلوووووووو

ابيات قمه فالروووعه

ولو قلت ورمست ما اوفيها حقها ..

المشاركة الأصلية كتبت بواسطة

بردان انا بردان ياْ (المعطف الصوف)
ابغي دفاك مْن الشتا ينتزعني

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88
روووووعه

المشاركة الأصلية كتبت بواسطة

ناديت لك مشتاق/مشتاق/ملهوف
وناديت ثم ناديت..محدٍ سمعني!!

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88
بيت صج طررررررررررررررر

بس يعور القلب

ما شاء الله عليك يا اخوي ..

قصيده روووعه

دمت مبدع :)

طيبة · 25 Jul 2008, 02:52 AM

السلام عليكم ورحمة الله وبركاته

سعيد الأحبابي ..~

شفت الخطا منك..ولا كنّي آشوف
واقول (ضعف الشوف) عنّه ردعني

وترى العتب والله ما هو على الشوف
شافتْه عيني..بس قلبي منعني!!!

اشكرك انا يا قلب سوّيت معروف
وفيت يوم انّه زماني خدعني

:~

ما شااء الله عليــــــــــــك

صراحه رووعه الابيات

صح السااانك يا اخوويه

يعطيك العافيه

راعيه السيكل · 25 Jul 2008, 03:26 PM

السلام عليك يــ .. الحبابي ..

..

..

][..((الايام تمضي والفرح (درس) محذوف
من (منهج) افوادٍ بالاحزان معني))..][ ..<<<بيت رائع ..

..

..

ماشااء الله عليك اخووووي صدق تسحب القاري بكتابتك ,

ممـــ()ــــيز مشا الله

..

تستحق التقـــ()ــدير والتقــ()ـــييم ..

..

..

تقبل مروووري .. لسااني عاجــ()ــز عن الوصـــ()ـــف

اختك راعيه السيكل ..

..

سلامي للكل ..

..^^..

غريـــم الشوووق · 25 Jul 2008, 04:50 PM

بو عســـكور

ماهي مجامله

انا قريت القصيده ثلاث مرات

الصراحه قصيده رائعه

وماعانيه اروع

والله يكون في عونك يالاحبابي

لا تبخل علينا بجديدك

دلوعة العين · 25 Jul 2008, 05:23 PM

،

مرحبا ــالسآع ..

انا بعد قريت القصيده اكثر عن مره وبعدني برد اقراها

ابيات تستاهل التصفيق عليها يا الاحبابي

صح لسانك مليووون وبيض الله ويهك

يعطيك الف عافيه وتسلم يمناك.

همسه:قصايدك لها طابع خاص وتجذبنا انه نقراها

،