السموحه بنقطع فتره وبرجع لكم بكل جديد والسموحه

 

أم ماجد:اصحبني بذكر الله ورضاه ومغفرته وطاعته ...
مبارك:صباح الخير وحب أمه على رأسها ها الغلا شو اصبحتي ان شاء الله مرتاحه...
ام ماجد"الحمد لله بخير وفي خير وبشوفك انته واخوانك اكون في احسن حال ..
مبارك:دوم يالغلا الا وينه ابويه ماشوفه ...
ام ماجد:والله ابوك سار الشركه من الصبح ماعرف شو عنده بس قالي اول ماتنش انته واخوك تسرحون صوبه يباكم ضروري
مبارك:خير ان شاء الله ...امايه اريد ارمسج في سالفه ...بس ماعرف كيف ابدي ....
ام ماجد:خير يابويه امر شو في خاطرك يابويه شي بلاك ولاحد مضايقك في شي
مبارك:هههههههههه لافديتج ماشي والله بس انا اريد اتخبرج عن مي اشحالها الحين .
ام ماجد:هي مي بخير طيب الحمد لله تحسنت صحتها والحين طيبه فديتها ...
انته مامريت بيت عمك تتخبر عنهها ...
مبارك:لا والله من فتره ماسرت صوبهم ...اذا قدرت اليوم بسير صوبهم ...انزين الغلا اريد ارمسج في سالفه ..
أم ماجد:امر يابويه فديتك شو في خاطرك ...
مطر: اللى في خاطره انه يستقر ...
مبارك:بسم الله منك من وين ظهرت اخ مطر....
مطر:ههههههههه من وين يعني من غرفتي وبالتحديد من هالبيت بيت ابويه ..
ام ماجد:صباح النور هلا والله بنظر عيوني ..
مطر:وهو يحب راس امه اشحالج امايه شو اصبحتي فديتج ...
ام ماجد:بخير وسهاله يسرك الحال يابويه مانشكي باس ...
مطر:دوم يالغلا مب يوم ها وين الشيبه ماشوفه ..
مبارك:والله لو يسمعك انه بالعيرا على راسك احسن لك تقبض لسانك ولابيقصه لك ..
مطر:شوشو يقصه لابويه عقب كيف برمس لاارجوك...
الكل:هههههههههههههههههههههههههههههه
مبارك:انزين ها الغلا قالج مطر اريد استقر يعني متي بتتكرمون وتخطبون لي بنت عمي مي ...؟
ام ماجد:يالله يوم المني يوم بشوفك معرس وعلى الكوشه فديتك ان شاء
مطر:هي والله ونفتك منه ونرتاح من صدعته ومن حنته ...وماحس غير بكفخه على راسه ...اااااااااااي
مبارك:عيل انا حنان وصدعه ماعليه يالدب ان ماقلت حق سوسو تسويك دعلي(قنفذ)....
مطر:اف ارجوك هذي تجاجي ولاتلاقي بنت عمك صدعه وحنانه الله يعين زوجها....
ام ماجد:ومنو بياخذها غيرك مبارك بيوزه مي وانته ساره ولو عندي ولد ثالث جان زوجته ميمي فديتهم بنات اختي حريم والف من يتمناهن ...
مطر:هي مايمدح السوق الا اللى رابح فيه ....
مبارك:انزين بسك هذره يالله ورانا شغل وابويه بيعصب علينا لانا متاخرين يالله جدامي ...
طلع مطر ومبارك ....عن امهم وسارو الشركه .....
اما في بيت بوراشد...
مريم:صباح الخير عمتيه اشحالج وهي تحب راس عمتها ...
ام راشد:صباح النور والسرور...مرحبا بنت حميد شو اصبحتي ..
مريم:اصبحت بخير وفي خير بشوفج عمتيه ...
ام راشد:شو موعينج من الصبح يابنتي دامنه محمد ظهر وطي راسج لين الساعه 9 فديتج..
مريم:ماياني رقاد والله من امس احس بخاصرتي نقزه ماعرف من شو اظن من الاكل البارحي ...
ام راشد:تدرين بسويلج طبيخه بتنفعج...
مريم:هي والله تسوين فيني خير والله
مي:صباح الخير ....
ام راشد ومريم:صباح النور والسرور ...
مريم:هلا والله مرحبا بنور العين ....شو اصبحتي عيوني ...
مي:بخير والحمد لله احسن ...وتلتفت مي على امها ...
مي:امايه ماشفتي احمداني من البارحه ماشفته مسود العين والله وحشني وتيلفونه مغلق ...
ام راشد:هي فديته سرح من الصبح مع ابوج الشركه يقولون عندهم شغل مهم ماعرف والله يابنتي ....
مي:هي خير ان شاء الله ...
نشت ام راشد عن البنات وسارت تسوي حق مريم الطبيخه ....
مريم:ها الغلا اخبارج ....
مي:تمام والله احسن بس احس بكسل وتكسر في جسمي ماعرف من شو واخاف اخبر امايه تعزر على اسير المستشفي ...
مريم:تدرين احسن شي تشربين طبيخه بتنفعج وجان الا هالتكسر والتعب ماخاز من عقب الطبيخه بنوديج وبنسوي لج فحوصات ....
مي:شو طبيخه وعععععععع لا ماحب طعمه لا ارجوج ماداني ريحتها
مريم:وهي تضحك.ههههههههههههههههه تذكرين يوم كانت خالوه تحطج بين ريولها وتمسكج عسب تقرج الطبيخه والله شكلج صدق تحفه ...
مي:هي ضحكي علي ماعليه بنشوف شو بتسوين يوم بتشربين الطبيخه صدق بضحك عليج وانتي تتغصبينها ...
مريم:لا منو قال بتغصبها اصلن بشربها بعسل ولابحط فيه سكر
مي:اعععع شو عسل ولاسكر كيف هذا بعد ملح وسكر مكس واعععععععععع
ام راشد:ها امايه مريم نشي شربي الكوب وانتي...يامي قومي شربيلج كوب بينفعج في هالتعب واللوعه وقله الاكل اللى دوم ماشتهي ولالاماريد جبدي تجلب يالله ...
مي:لا دخيلج امايه ماحب الطبيخه ...وععععععععع
ام راشد:شو وع انتي مب ياهل ولاتبيني اقبضج واحطج بين ريولي مثل لول يوم كنتي صغيره يالله اشوف اشربي الكوب لااخلي مريم تقبضج واقرج اياه قر ....
مي:ان شاء الله بشربه .....اععععع امايه ماتحمل طعمه لوعه ...
ام راشد:لالا لالوعه ولاشي بس انتي جبدج منتفخه من هالاكل اللي تاكلنه ...يالله اشوف شربيه جدامي شوفي مريم خلصت الكوب وانتي بعدج ...
قطع عليهم التلفون وربعت مي تبي تشرد عن تشرب الطبيخه وردت على التلفون ...
مي:الوووووووووووووووووه
احمد:فديت احلي الوه من نور عيوني ...
مي:لا انا زعلانه عنبوه شو من البارحه الصبح ماشفتك وين اعترف ولامن لقي احبابه نسي اصحابه ....حتي الووووووووه ماتصلت وتيلفونك مغلق اعترف وين كنت ....اشتقت لك والله
احمد:لاوالله فديتج وانا بعد ...اتصلت على تيلفونج بس ماتردين ...قلت بتصل اتخبر امايه عنج ....
مي:هي تيلفوني فوق وانا هنيه في الصاله مه امايه ومريم ....
احمد:هي زين عيل امايه وين وشو تسون ...
مي:امايه هنيه ولا ليفوتك ماسكه لي كوب الطبيخه ومعزره على الا اشربه وانا ماداني لاريحتها ولاطعمها
احمد:لا زينه شربيها والله لو ادري جان تريت وشربت معاج ..كان يضحك على مي....
مي:انزين بترياك وبنشرب مع بعض ..
احمد:ههههههههههههههه هي الشرده نص المرجله اونه بترياك لافديتج اشربي وصيري عاجل ....انا ماداني الطبيخه ولااداني ريحتها كيف بشربها ....
مي:الحين انا اباك عون وانته صرت فرعون ماعليه يااحمداني براويك يوم بترد براويك شو بسوي بك ...التفتت مي صوب امها ...امايه احمداني يقولج خليله طبيخه شكله مغتث من الاكل ...
احمد:ههههههههههه هي ماعليه يالدبه براويج يوم برجع يالله بخليج ولاتنسين تشربين الطبيخه اوكي يالله مع السلامه ..............
مي:ربي يحفظك مردوده يابو محمد بنردها لك هي اضحك على ...
سكر احمد عن مي ودخل على ابوه المكتب ....
احمد:ابويه ها هذي الاوراق وخلصناها لك شي تامر بعد طال عمرك ...
بوراشد:لا فديتك بس تعال اجلس اباك في رمسه بس قبل اتصل على راشد خله ايي صوبنا اباكم في موضوع انته وراشد ...
احمد:ان شاء الله .اتصل احمد في راشد وخبره انه ابوه يباه في المكتب ...
دخل راشد:السلام عليكم خير ابويه شو صاير ...
بوراشد:الخير بوجهك فدي ماشي بس بغيتكم في رمسه اجلسوا ياعيالي ...
جلس راشد ..خير ابويه ..
بوراشد:الخير فيكم يارب اليوم انا يايبك ياراشد وبما انك المسئول المالي في الشركه اريدك تعطي احمد كشف بمستحقاته في الشركه من املاك وحقوق واللى له واللي عليه ياولدي الدنيا مايندري بها وهذي ذمه والحق حق والواحد مايدري بالدنيا اليوم حي وباجر...
قطع رمسته احمد:لاتقول شي يابويه الله يخليك لنا ولايرمني منك لايابويه انا ماريد شي كفايه اني عايش معاكم ومن بينكم والفلوس الا وصخ دنيا ولاهمتني ولافكرت بها ....
راشد:صدقه احمد يابويه انته الخير والبركه ولاهمني لافلوس ولاثروه يكفينا شوفتك بخير وفي خير ...
بوراشد:بس هذا حق يااحمد والله بينشدني عنه يوم بوقف بين ايديه وانته لازم تعرف حقك وشو لك عندنا وشو ورثك ابوك يابويه ...
احمد:خير ان شاء الله يابويه بس الحين انا مايهمني في هالدنيا غير شوفتكم ورضاك يابويه عني هذا اهم شي في نظري الحين ...
بوراشد:الله يخليك لي يابويه فديتك .....
قطع عليهم محمد اللى دخل ...
محمد:السلام عليكم ....
الكل:عليكم السلام
محمد:هاااااااااااااا شتسون تاخذون الحنان عني يالله اشوف قوموا عن ابويه اريد منه حنان ولا الحنان لك انته يااحمد شو وانامالي حق ...
احمد:نعم نعم لابويه حقي انا بس انته عندك حرمه وراشد عنده حرمه وعيال الا انا حليل ماعندي حد يعطيني حنان امايه ومشاركيني فيها بعد ابويه لااسف ويلوي على ابوه ...
محمد:يالله اشوف نش عن ابويه هذا املاك خاصه لي انا بس ...
بوراشد:هههههههههه بسكم شو ها لا انا حقوق الطبع محفوظه لام راش بس
الكل:هههههههههههههههههههه عاش ابويه هي جيه اعترف بالحب هي هي ..
احمد:ابويه كيف حبيت امايه اعترف ....
بوراشد:وهو يمسح دمعه نزلت من عينه من فرحته بعياله ...والله يابويه لاشفتها الا يوم العرس لاعندنا خطوبه ولانملج الا ليله العرس وماشفت وجها الا يوم العرس يوم زفوني عليها ...
احمد:انزين ابويه وعقب شو صار ...
بوراشد:وبنظره شو شو صار بعد خلاص عرسنا شو تبي تعرف بعد..
راشد:شو يبي يعرف بعد ها احمداني شو في خاطرك ليكون تبي تعرف ..اسمع ابويه عرس احسن لك ولاتمم عزوبي وعيش حياتك ؟
احمد:ها شو انزين ابويه بما انكم مجتمعين اريد ارمسك في سالفه ..
بوراشد:خير يابويه ارمس ...
احمد:ابويه انا اريد اعرس خلاص كلهم عرسو وخلوني شو رايك ..
بوراشد:والله يابويه ماعندي مانع وانته اشر ونحن حاضرين وبخلي امك تدور لك حرمه ...
احمد:لابويه انا اريد وطفه بنت عمي محمد وماظن بحصل اخير عنها ...
بوراشد:والله هذي الساعه لمباركه يابويه وماظن بنحصل اخير عن بنت عمك وانا ان شاء الله برمس عمك محمد وبخليه ياخذ راي وطفه كم احمد عندي ...

اما في بيت بوماجد:
ام ماجد:وطفه ياوطفه ...
وطفه:لبيه ياعيوني لبيه يااغلي من في الكون ...
ام ماجد:وينج ياامايه تعالي اجلسي معايه الا يالسه روحي في هالبيت ..
وطفه:ان شاء الله بس بخلص اللى في ايدي ..
ام ماجد:انتي شو تسوين ياامايه خبريني ..
وطفه:ماشي اسوي سلطه حق مطر متصل بي يقولي في خاطريه سلطه ..فديت اخويه ..
ام ماجد:الله يخليكم لبعض ياربي واشوفكم معاريس يارب ..
وطفه:ان شاء الله تشوفين مبارك معرس ياربي ...والله انه البيت فاضي علينا الله يهدي عيالج ما يبون يعرسون شو هالحاله ...
ام ماجد:ان شاء الله عن جريب ياامايه ...عن جريب بنسمع خبر يفرحني ان شاء الله ...
خلت وطفه اللى في ايدها وربعت صوب امها ..
وطفه:صدق والله بنسمع خبر حلو من صدقج ياامايه منو علميني ...
ام ماجد:مبارك وومي بنت عمج ان شاء الله ...
وطفه:كلولولولولولوششششششششششش واخيرا بتصير لي حرمه اخو وناسه فديتج ياامايه ...
مطر:علم منو عرس وشو صاير تلولولشين ليكون عرستي من ورايه وين السلطه قبل لاتعرسين ..
وطفه:من عيوني لامب انا اللى بيعرس ناس بيعرسون ..
مطر:حس بقلبه بيوقف منو ارمسي وطفوه ...
وطفه :وهي تحس باخوها وتبي تغلس عليه شوي والله بنت عمي بتعرس ...
مطر:منو بنت عمج ارمسي ولابتنظربين ....
وطفه:اصبر بقولك الله يسلمك اخوك المحترم مبارك قرر يعرس وبيخطب مي بنت عمي ارتحت الحين ...
مطر:حسبي الله على بليسج طيحتي قلبي في بطني ....انتي شو ماعليه بتنظربين اذا طلعت السالفه جذب..
وطفه:وهي حاطه ايدها في خصرها ...نعم نعم من متي تخبرني اجذب حسبي الله على بليسك ....
قطع رمستهم مبارك:السلامم عليكم ...
وطفه ومطر:عليكم السلام
مطر:حيالله المعرس الجديد ها مبروك متي العرس ...
مبارك:منو معرس انا هههههههههه الله يبارك فيك بس قبل خلني ارمس ابويه وينرمس عمي وعقب يوم بتوافق العروس بارك لي
مطر:يسدها بس انها بتظوي مبارك بن محمد شيخ الشباب ...
مبارك:يسلمو اخويه ....عيل وين امايه ماشفتها ...
وطفه:امايه حدرت تصلي الظهر
مبارك/هي زين عيل انا بسير ابدل وبنزل خليهم يغرفون الغدا انا يوعلن وبتغدي وبرقد ...
وطفه:من عيوني ان شاء الله
اما في بيت بوراشد:
احمد:السلام عليكم ويحبراس امه
الكل:عليكم السلام
احمد:هامي اخبارج ..هههههههههه
مي:اسكت عني ماريدك ترمسني راسي يعورني وجبدي لايعه
احمد:هههههههه مب منج من الطبيخه اللى شربتيها خخخخخ فاتني والله اشوف شكلج وانتي تتغصبينها ,,,
مي:اونه تتغصبينها لا بويه اصلن انا شربتها مره وحده وامايه مخليه لك كوب تراك قلت لي انك تبا تشرب شويه هههههه
احمد:منو قال لا حشي عليه مارمست ولاقلت
ام راشد:لا بتشرب وانته ريال تضحك علشان هالضعف اللى انته فيه تشوف شكله تقول في مجاعه ....
احمد:بس انا اكل شوفيني كم اكل ...
ام راشد:لا ماشي بتشرب وانته تضحك ولا بمسكك وبحطك بين ريولي وبشربك..
مي:اتخيلك وانته هالكبر وامايه ماسكتنك خخخخخخخخخخخ
احمد:بس سكتي ماعليه بتشوفين يالدبه هاتي الكوب بشربه روحي شو تتحريني خواف شراتج ....
ام راشد:ها يابويه يود اشربه مره وحده احسن واذا تبي بحط لك طشونه سكر علشان طعمه ...
مي:نعم نعم لاخليه يشربه جيه تراني شربته بدون سكر ...
ام راشد:انتي احسن لج جيه بس احمداني مايهون عليه فديته ....
مي:هي الدلع هذا هو اللى بيخربه شو كله الحب له وانا بنت البطه السودا
احمد:هي يالغيريه انتي بتعرسين ...وبتروحين بيت ريلج وانا بتم عند امايه فديتها ....
مي:هي هي يالله مناك اونه بتعرسين منو قال انا بجلس عندكم وعلى قلبك ...
احمد:والله عسل على قلبي فديتج ...اقول وين الساحره وربيعتها مالهم حس ولابينه ....
مي:ههههههههه ماخبرتك عنهم سارحات السوق مع موزه يتشرن حق ولاده موزه ويشوفن فساتين حق حفله التخرج ....
احمد:غريبه اخبرهن مايتحملن الحر شو مطلعهم الصبح غريبه ...
ساره:وهي داشه باكياسها وماتشوف من الشمس والله اللى مطلعني الملل كله يالسات في البيت تقول سحر قيس من الملل طلعني ولالو حصلني حد يظهرني في الليل ماشفتني ظاهرات الصبح ....
مي:الناس تسلم ولاشو يابنت راشد....
ساره:السلام عليكم ورحمه الله ...
الكل:عليكم السلام
ساره:والله من الحر الواحد ينسي يسلم...
احمد:الحقي سوسو امايه مجهزه لج طبيخه تقول جبدج منتفخه ...
ساره:لالا منو قال انه جبدي تعورني لابويه الحمد لله انا بخير وفي خير وبعيد عن الطبيخه بكون بصحه وعافيه ....
مي:لاماشي اليوم اليوم العالمي للطبيخه الكل شرب وباجي انتي وميمي وينها هذي بعد...
ميمي:انا هنا .....مرحبا السلام عليكم ..
الكل:عليكم السلام
ميمي:عميمه اشحالج اوه حبيب البي هنيه اشحالك حبو ...
احمد:بخير حبو اخبارج شو شريتي لي من السوق ..
ميم:شو دراك اني شريت لك عطر ها اعترف منو خبرك اكيد سارونه هي اللي خبرتك ...
احمد:لا والله حشي مارمست حليلها بس انا ادري انج من تروحين السوق لازم اتيبين لي شي معاج وزار غتره ولافانيله ولااي شي يعجبج ...
ميمي :لا هالمره يبت لك ويبت لخلو وسعيد عجبتني عطورات وشريت لك انته زياده عنهم ساعه عجبتني وايد حلوه بس قلت ماتليق لا حق حبو ..
احمد:اوه كل هذا لي شو السالفه اكيد وراج شي اعترفي ...
ميمي:والله ياعمي ماشي بس لانه حسيت انها تناسبك وتناسب شخصيتك خذتها لك وهذي هي الساعه والعطر ان شاء الله يعجبك ...
مي:اشم الله حلو والله روعه اشوف بعد الساعه اوب اوب من قدك انته الكل يهديك حليلي انا محد يذكرني ...اهىء اهىء ...
ساره:منو قال انتي الغلا انتي اختي الغاليه اكيد مابنساج ...ها تفضلي خذت لج عطر وخذت لامايه دهن العود من عبد الصمد القرشي عجبني والله روعه
مي:تسلمين فديتج وان شاء الله نردها لج في الافراح ....
اما في غرفه مريم....
مريم :ترمس وطافي في التلفون ...
وطفه:اقول الريم عندي لج خبر بمليون درهم ....
مريم:شو ارمسي بشوف اذا يسوا بعطيج اللى تبينه ....
وطفه:تراج عند كلمتج واذا كانت تسوا السالفه بتعطيني اصبري بفكر شو اريد منج بس المهم السالفه انه مبارك اخويه بيخطب ...
مريم:ويه الخبر جديم بيخطب مي بنت عمي ادري وانا اعرف انه يحبها من زمان مب من اليوم وتاكدت من هالشي في المستشفي يوم شفت الباقه اللى انتي اونه مطرشتنها ....شو جديد عندج غيره ...
وطافي :خيبه منو خبرج علوم جديمه هي اكيد هذي امايه خبرتج ولامطر ولامبارك اعترفي ...
مريم:وهي تضحك والله محد خبرني بس من قلتي انه مبارك عرفت انه يبى مي بنت عمي ....
قطع سوالفهم محمد:السلام عليكم ....
مريم:عليكم السلام مرحبا بالغلا كله ....اقول وطفوه يالله برايج محمد دش ...
وطفه:خلاص سلمي مع السلامه ....
محمد:اشحال الغلا اليوم شو ان شاء الله احسن ...
مريم:هي الحمد لله من شربت الطبيخه احس اني احسن
محمد:زين اخباركم اليوم ...
مريم:الحمد لله واخبارك انته وشو علوم الدوام ...
محمد:الحمد لله لاجديد مجابل اخوانج هي صدق قوم عمي بيونا عقب المغرب ابويه مسوي عشي حق قوم عمي وربعه ....
مريم:هي صدق عمتيه خبرتني انه اليوم عزيمه ...يالله بدل وانا بجهز لك الغدا ...
محمد:ان شاء الله يالله بدش اسبح وبطلع احس اني ميعف من الشركه لين الصناعيه هالسياره عيفتني حياتي من كثر ماتخترب شكلي ببدلها وبشتريلي غيرها ....
مريم:لا خلها حق خالد ولد راشد من زمان خاطره فيها وانته خذ لك غيرها ...
محمد:هي صدقج بخليها له هو دوم يقولي انه يباها
نزلت مريم وعقبها نزل محمد واجتمعوا على الغدا وتغدو ا...
بعد الغدا جلسو في الصاله يسولفون ..
محمد:ها بو خلي شو تسوي
خالد:سلامت راسك ماشي توني راد من المعرض قلت بدور لي سياره بس مادشت في خاطري شي من هالسياير...
محمد:وهو يفر سويج السياره على خالد...ها هذي السياره من صوبك هديه مني لك
خالد:بس ياعمي انته شو بتسوي ...
محمد:ماشي باخذ لي سياره لاعت جبدي من هالسياره بغيرها وكنت ببيعها بس يوم شفت انك تباها قلت بعطيك اياها ...
خالد:انزين بشتريها منك ..
محمد:شو ماسمعت اقول مريم شي عصي عدالج خليني اعلمه هذا شو يقول اقوله خذها يقول بشتريها لا منو قالك اني ببيعها اقولك خذها استعملها ماقلت لك ببيعها عليك اقولك انته مب ويه هديه هات السويج ..
خالد:وهو يحب عمه لافديتك امزح خلاص تسلم عمي ...ربي يخليك لي وتيب لي بنت وتكبر واخذها ...
محمد:نعم نعم منو قال اني بزوجك بنتي لابويه مافيه تجننها بنتي حنونه طالعه على بيوزها واحد راهي يحبها بجنون ...
احمد:عاشو خف علينا يالحنون اونه حنون ياويلي كم بعيش اخاف تطلع دفشه مثل خالها مطر...
مريم:حرام عليك يااحمد مطر حنون فديته والله يابختها من بتضوي مطر اخويه ....
احمد:هي اونه يابختها الا الله يعينها عليه بيطلع الشب من عيونها حليلها ....
محمد:يالله اترخص انا بروح ارقد شوي ....مريم وعيني حق الصلاه فديتج ..
مريم:ان شاء الله ...
احمد:اصبر بروح معاك بعد انا برقد ولااقولك خلني بدش عند امايه برقد علشان توعيني اذا رقدت فوق مابنش ....
دخل احمد...غرفه امه ولقي ابوه راقد ....رد بيطلع ....
ام راشد:احمد ابويه تعال ...
احمد:وهو يرمس بصوت واطي لاخلاص اتحري ابويه محد خلاص بسير ارقد في غرفه الضيوف ووعيني حق الصلاه فديتج ...
ام راشد:ان شاء الله يابويه من عيوني ...
احمد:تسلم لي عيونج يالغلا ....
طلع احمد وراح يرقد ...اما البنات ارتبشن في المطبخ اللى تسوي حلو واللى تسوي فروت واللى تعدل المجالس وتدخن وتعدل وترتب ...
عقب صلاه العشي اجتمع الكل في مجلس بوراشد بو ماجد وعياله وبوراشد وعياله وبو خالد وعياله اللي حقه العشي ....
بوماجد:يامرحبا والله باللي زارنا يالله يابوخالد من متي عدنابك وين هالغيبه ياريال ....
بوخالد:والله في الدار مشاغل الدنيا يابو ماجد ولاوالله مانسيناكم ولاشي دوم في البال بس شنسوي انشغلنا في الدنيا ومشاغلها ..
بوماجد:الله يعينكم ياريال ...
بوخالد:الكل ياربي .....
بوراشد:اشحال خالد وعياله لا ماشوفه فياكم يامطر...
بوخالد:والله خالد مسافر مع عياله تدري ولده حمد مسوي حادث ومعاه في المانيا وان شاء الله عن جريب بيردون والحمد لله حمد بخير الحين واحسن عن قبل بوايد هالسياير والسرعه اللى دمرت عيالنا ياخوي ...
بوراشد:الله يشفيه يوعافيه ويعينه يارب صدقت ياخوي والله هالسرعه دمرت عيالنا وخذت الغالي من بيني في لمح البصر ...
دخل عليهم مطر اللى وصل متاخر كان ساير ايب اغراض موصيته عليهم امه من عند راعي الحلويات ...
مطر:السلام عليكم ...
الكل:عليكم السلام وتوايهوا مع مطر....
بوماجد:وهو ياشر على مطر ....بوخالد هذا السمي ...
مطر:مرحبا والله حي به السمي فديتك تعال عدالي ...
جلس مطر عدال بوخالد ...
بوخالد:ماشاء الله عليك يامطر غديت ريال اذكرك يوم كنت دوم مع ابوك في العزبه يوم كنت مع حياه ماجد اخوك الله يرحمه ....
مطر:الله يرحمه ان شاء الله .....
تموا سوالف وذكريات لين نحط العشي وتعشوا العرب وسارو عقب ماتدخنو واكرموهم ....
عقب ماطلع بوخالد وعياله ...جلس بو ماجد وبوراشد والعيال
بوماجد:اقول ياسعيد اخويه انا ياينك ياخويه وعندي رمسه اباك فيها ...
بوراشد:ارمس ياخويه ومايردك الالسانك تفضل ...
بوماجد:والله ياخويه انا اليوم ياينك وابغي اطلب مي بنتك لولديه مبارك ...
بوراشد:والله ياخويه البنت بنتك والولد ولدك وانته خيط ونحن نلبس ...
بوماجد:يعلك ذخر ياخويه وانته شاور البنت ورد لنا خبر وان شاء مايصير الاللي رايده الله ...
بوراشد:والنعم بالله وبعد نحن نبي وطفه حق احمد ولديه وخل الفرحه فرحتين ياخويه ....
بوماجد:وهذي الساعه لمباركه ياخويه واحمد مثل ماهو ولدك تراه ولديه وانا افتخر اني اناسبه فديته ريال والنعم به ...
مطر:عاشو كل هذا يصير وانا وين موقعي من الاعراب
احمد:ههههههه انته محذوف من الاعراب خخخخخخخخخخخخخخخ
مطر:ماعليه اذا ماخليت وطافي ترفضك ماعليه ....
احمد:اتروم والله لاخبر سوسو تحولك ضب ماعليه ...
مطر:دخيلك تروعت الحين انا ....
الكل:خخخخخخخخخخخخخخخخخخخخخخخخخخ
مرت الليله على العايله بكل ماتحمله من فرح وسعاده ....