الــبـارحـــة ..،؛،
البارحة ربي كتب لي ومريت ..
..دربٍ عليه بروق الأحباب لاحت

جيت المكان اللي جمعنا وخفيت ..
.. وقامت جروحي للجوارح وصاحت

ياليتني في لفة الدرب زليت ..
.. كان العيون من الدموع استباحت

التم غيم الدمع من يوم لفيت ..
.. وورقا القصيد لشوفة الغيم ناحت

وضحكت ماأبغي الناس تدري يبالفيت ..
.. لكنها غصبٍ على العين ساحت

حارت دموعي في عيوني وصديت ..
.. وأرمشت مابيها تبين .. وطاحت

وعقبه برق في العين براق .. واسقيت ..
.. خدي ووناتي بصدري تلاحت

وأنا أحسب إني في فراقه تشافيت ..
.. وان عبرتي من مدخل الزاد زاحت

اللي يحسب إني على البعد سجيت ..
.. والا ان عيوني للرقاد استباحت

ياليتني من قبل لا أحبه اقفيت ..
.. والا ان دروبي عن دروبه تناحت

أهون علي من البكا والتناهيت ..
.. وأشلا من سدودٍ على الناس باحت

عرفت كيف الحي يفرق عن الميت ..
.. وعرفت قيمة نعمتي يوم راحت

قولوله اني عقب بعده تدانيت ..
.. ورجلي عن دروب المعافين شاحت

البعد نار وطاعة العذل كبريت ..
.. يقصر على بعده .. ترى الكبد فاحت

 

هلت
هلت دموع السما عند الوداع وارسلت غيومها شوق وحنين
مد لي يمناه وانهى الاجتماع والهنا تبدل بدمع حزين
قال ودع ما يفيد الامتناع الشقا مقسوم مير الله يعين
رمشه الفتاك وعيون وساع صوروا بالقلب له رسم حسين
شوفتي له ساعة متاع متعة الدنيا نظر عين لعين
لي ذكرت اللي حدر هاك القناع مبسمه والخد مع نور الجبين
لو بغيت الصبر قلبي ما استطاع يا سعد يا كود فقدان الظنين
كل ما لاح بسما حبي شعاع أظلمت دنياي واشتد الونين
ياحسايف وقتنا والعمر ضاع نجتمع يومين والفرقا سنين

 

لو قلت مرتـاح مانفسـي بمرتاحـه
غير التعب في غيابه مانـي بلاقـي
من عام الاول وقلبي تنزف اجراحـه
ضاقت على الوسيعه والفضا ضاقـي
لا بال مرتـاح لا فرحـه ولا راحـه
كم لي سنه وانتظر غيبـات سراقـي
ارجيه عقب البطا لو طال مرواحـه
كانه على هقوتـي ماخـان ميثاقـي
قلبن يذوق الهوى من يكبح اجماحـه
خلوه يرتاح دامـه بالهـوى شاقـي
اضحك وقلبي مع اللي عجة ارياحـه
لا قلت ياقلب طالت قـال وش باقـي
اللي عيونه وسـاع سـود ذباحـه
ازريت اداري غلاه بخافـي اوراقـي
ساكت وعيني ولو ماقلـت فضاحـه
حتى القصايد تخون وتفضح اشواقي
لو ما بغيت الهوى صابتني ارماحـه
ماجاه دون اللحم ساتـر ولا واقـي
مثل البحر كم غرق به ناس سباحـه
تضيع مع قوَ موجه هقـوة الهاقـي
خبري بقلبه صدوق الشوق يجتاحـه
عندي خبر فيه مايقوى على فراقـي
اتعب وغيري يجي وياخذ على الراحه
من حظ غيري وانا اللي زارع وساقي



 

لاتنشغل فيني انا بحالي ادرى..
قلب تعلق فيك ينسى مع الوقت..
اكثر من اللي صار لي وش يجرى..
بين الرجا والياس شفني تعلقت..‏
لاراحت الفرصه تحريت الاخرى..
وتروح ماكني عليها تشوقت..
هاك القصايد لاتضايقت واقرا..
شف وش كثر فيها لضحكاتك اشتقت..
لاصار حظي اقشر والايام قشرا..
مافيه احد عاقل يلوم ليا ضقت..
ماكل جرح لاخذ ايام يبرى..
بعض الجروح يزيد شره مع الوقت..
السيل يبقى له مع القاع مجرى..
يبقى له التذكار لو كنت فارقت..
يامدعي فرقا المواليف حذرا..
تبعد وانا في سكة الحب مافقت..
ليتك خذيت بليل الافكار مسرى..
وغربت من كثر الطواري وشرقت..
اشوف لك من وين مارحت ذكرى..
لاشفتها صديت عنها ودنقت




 

كذا تسويها بعد فيك ما همت ...

خلاص أنا مثلك بسجل غيابي

جيتك بصمت وراحلن عنك بالصمت ...

واسمك حفظته يالغلا في كتابي

بحر الهوى يليتني فيه ما عمت ...

ما كنت احسب انه شقلي وعذابي

خلاص أنا يا زين ناوي وصممت ..

على الرحيل الله يخفف مصابي

غصبن عليه للمقادير سلمت ...

ماني براضي مير حظي غدابي

يا وقت يكفي منك شفت وتألمت ...

هم(ن) كبير(ن) من طرفك والتوا بي

يا وقت خاف الله ترى فيني أجرمت ...

وأحرمتني يا وقت زهرة شبابي

كانك مصمم في عذابي وعزمت ...

خذ راحتك شرعت للهم بابي

دايم وأنا حظي كذا ما تعلمت ...

طيبي سبب همي وكثرة عذابي

 

انا والليل والعبرة وجرح وخاطر ٍمكسور

ونفس من هجير البعد والحرمان مقهورة
وقلب ظامي لشوفك ولايروى ظماه بحور

وعين تحتري لحظة غياب الطيف وحظوره
ونار تنطفي مره ومره تشتعل وتثور

واقول النار مقدورة وهي ما هيب مقدورة
حسبت الليل بغيابك يمرن الليال دهور

وكني شايل بقلبي ليال الوقت وشهوره
تصبرت وتقدرت وبنيت من الخيال قصور

إلين ان الجفا شد الركايب وانتهى دوره
تحريتك على درب القصيد من ثلاث شهور

وحشا ما مات لك غصن يشف الماي بجذوره
تخيرت الغرام وجيت لا راضي ولا مجبور

وجيتي تسبقين خطاك مرضيه ومجبوره
وانا ما كان لي رغبه أبين واكشف المستور

ولكن الجمال أكبر من الخفاق وشعوره
جمال وود وعيون ودلال وكبرياء شعور

وفتنة تخذل عيون النهار وينطفي نوره
ولك في خافقي صوره تلاشت بين ضي ونور

وأخاف اسكت من الفرحة وتنطق باسمك الصورة
عرفتك وانتهت رحلة قساوة دربي المهجور

والا يا جملة أيام الجفا والصد مشكورة
خذتني للجفا عزه واخذني للعناد غرور

واخاف اكون بعنادى حبيب ومات بغروره
وإذا كانت مسافات الخيانة للغرام قبور

وش اللي يجبر العاشق يخون ويحفر قبوره؟
وش اللي يجبر الشاعر يدور للشعر جمهور؟

مدام انتي محبينه وعشاقه وجمهوره



 

ش

["]اسفه اني اكتب وااايد في هالموضوع .// بس احس انه متنفس لي

دارت الأيـام وجتنـي بالنكـد"
"والسماء الصافي يتلبد بالغيـوم
شالـت الغالـي ولاعنـد أحـد"
"غربتي سكانهـا كثـر الهمـوم
سافرت بي من بساتين السعـد"
"رحلتي حتى نسايمهـا سمـوم
لين حل الليل في صـدري قعـد"
"هاجسي لاحل بي مقـوى أقـوم
وأبتدت شمس الضحى صابا رمد"
"ناظري عقب الغضي ماله لزوم
كل ماذكربسمتـه مابـي جلـد"
"افضح المكتوم واشـق الهـدوم
وعسـى الله مايفرقـنـا أبــد"
"والمحبـه بيننـا جعلـه تـدوم[/