السـلام عليـكم و رحمـه الله و بركاتـه

ترددت قبـل ما انزل القصـه وايد ..

خص انهـا قصـه حقيقيـه .. مكتوبـه بعد سماعهـا من صاحب القصـه نفسه !

و استاذنتـه بالكتابـه و ما مانـع ..



الشخصيـات حقيقـيه بـ اسامي مختلفـه .. و اشياء رمزيـه ..

ترمز لـ حقيقـه - ما حبيـت انقلها - و النبيـه بيفهـم علي !

و بيفهـم المغزى ..

اعذرونـي عـ البارت هذا

[ يشمـل يوم كامل .. فقط لاهميـه هذا اليوم .. بتوضح وايد اشياء بعديـن ان شاء اللـه ]




الجزء الاول ..

[ امممم معقولـه .. معقولـه تكون هي فعلاً ]
ما حسيـت الا بـ ايد تمسـح على راسـي .. بطلـت عيونـي شوي شوي و تاكدت انهـا حلم ..
حلم عابـر مستحيل يكون في من الايـام من نصيبـي .. ريـت امايـه تطالعنـي .. ابتسـمت و حبيـت ايدها
طلعـت عني " كـ العاده " بدون ما تقـول شي !


نشيـت و انا حاس بـ ثقل مب طبيـعي .. تعبـان و مدوخ و مالي خاطر اداوم اليـوم ..
مجبور لكنـي " عسى اللـه يعيـن "
آووه [ انـا محمـد .. لا لا انا .. الشيـخ محمد بن سيـف .. 15 سنـه .. اول ثانـوي "
المهـم نشيـت و خذت دش سريـع .. تلبسـت و انا كاره عمـري .. افف متى بنتفـك من المدرسه !
دورت الكـاب الاحمـر لين ما عييزت و انهد حيلي ..
ما حصلتـه ! اففف
حسـت بوزي و حلفـت ما البس كاب غيـره اليوم ..


تعطرت بسرعـه و نزلـت .. ريـت امايـه يالسـه ويـا اختيـه
[ حمـده .. اصغـر عني بـ سنـه تقريباً و كم شهر .. بهـا روحـي والله و مالي غنـا عنهـا ]
حبيتـها .. و بـهدوء اتجهـت صوب كرسيـه و يلست عليـه ..


ابتسـمت لـ امايـه ابتسامـه شاحبـه نوعـاً مـا .. و ملامحـي [ مختبصـه و كل شي داخل فـ بعضه من الضيج ]
جهلـت سبب نوبـه الضيج المفاجـئه هذي .. حاولت اني اغيـر مزاجـي لاني كنت متاكد
ان بتعايش ويا الضيج اليـوم كامل !
حسـت فيني حمده .. معنـي كنت احاول اخبـي الضيج بين ملامحي .. [ حشى مب ملامح هيهي ]

حمده : حووووه شو فيك .. ؟!

مـا تكلمـت .. قلبـي كان منقبض .. صديـت ع امايـه و سالتهـا على طول .. " ابويـه وين " [ Wo ist mein Papa ] - تحديداً !
ما لحقـت اصـك ثمـي الا و ابويـه نازل .. حسيـت براحه .. و اعتقـد انه لاحظ هـ الشي ..
" صبـاح الحب و اليمعـه الحلوه "
[ ابويـه .. سيـف بن علي .. مديـر وحده من المؤسسـات اللي فالدولـه .. رغم صغر سني هاك الوقت
الا انـه علمنـي اشيا يستحيل على عقل انسـان نسيانـها آو حتى تجاهلـها .. ]
[ امايـه .. اكتفـي بـ قولي انهـا " ام محمد "
[ اووه ترى امايـه هب من اصل عربـي .. المانيـه - للـي لقط هالـ شي - الرمسـه بـ اكملها مترجمه هيهي ]


شفـت الساعـه .. كانت حول الـ 7 تقريباً .. توّ النـاس !
شربـت كوب الحليب .. و انا منسده نفـسي عن الاكـل ..
احـاتي امتحـاني اليوم .. و حاس بـ فكري متشتت [ لا تسالوني ليـش لانـي ماعرف السبب - او يمكـن ناسنه - هيهيهي ]
قبضـت كتـابي و يلسـت اراجـع ..
آففففف يهالـ عربي امبونـي ما ادانيـه .. ولا ادانـي بوكرشـه هذا
[ نفسـي اشوف مدرس عربـي مب مكرش هيههيهي ]


لمحـت ابويـه يكلـم امايـه و ضحكت بخبث على شكلـه هيهيي
انتبـه عليـه و ادارك الموقف ..
ابويـه : ياللـه عن اذنـكم انا اترخـص .. بتاخـر عـ الدوام
اطالعتـه و ضحكت ضحكـه قويـه .. و اختي اتبـادل نظرات الاستـفهام ويـا امايـه ..
ضحك ع شكلـي .. سلمنـي مصروفـي ..
و وصانـي كـ العـاده عـ نفسي - عـ الامتحـان - و جمـع هليه معايـا اليـوم ؟
استغربت ؟!
ما اهتمـيت .. قبضت كتب العربـي
و سحبـت اختيـه من ايدهـا و هي تزاعج ..


حمده : خلني فـ حالي حمود يوعانـه والله يوعانـه
انا : عنبـوو بسج .. خلاص بنتوكل .. اخر يوم و بنفتـك و دحـي لين تنفجريـن يا هالويـه هيهي
حاست بوزها و فرت كتبهـا .. سوت حركـه بيدها بمعنى " ماباهـم "
ضحكـت عليهـا و ركبنـا السيـاره ..
فتحـت الخليجيـه اتسمـع لبرنـامج ماحيد اسمه !



- بعـد الامتحـان -


سالـم : يلا اسمحوليه بترخص عنـكم انا .. و اليمعـه اليوم ان شا اللـه عند بو هنـاد
[ بو هنـاد .. شكيـك الطفولـه الشكوك .. بتعرفونـه اكثر بعديـن ]
عيسى : يلا عيـل قم سرينـا .. بنخطف عـ الشيشـه يوعان مب متريق .. حمود ويانـا ولا بتتريا بو حسن ؟
هزيـت راسي بـ لا .. قصدت اني بتريـا علي ..
[ سالم و عيسى توآم و علي اكبرهـم .. عيال عمـي [ عتيـج ] .. علي اقربهـم لي .. رغم ان سالم و عيسى
اقربهـم لي بالسن .. لكن مادري ؟ ]


اتريـت علي لين مابـان .. فزيـت صوبـه و تخاشمت وياه
انا : ياحيـك بو حسن .. و الله فتكيـت من صدعـه المدرسه .. بالبركـه .. و عقبالنـا
علي : اللـه يبـارج .. لاحق لاحق .. تو الناس عليك .. [ و ابتسـم ]
انا [ رديـت له الابتسامـه ] : يلا عيل ؟
علي : ع ويـن ؟
انا : البيـت .. اووف تعال بنرد سوى .. ولا تنسى الطلعـه اليوم الفليـل ..


مشينـا للسياره .. شفت حمده يالسـه و تصيـح ..
ضميتهـا بسرعـه .. و تاكدت انه الفلـم الهندي اللي تسويـه عـ نهايه كل سنـه دراسيـه [ ]
اول ما وصلنـا .. ربعـت صوب غرفتيـه ..
و فجيـت اللاب ..


مر الوقـت و انا منغمس في قصـه اقراها .. و عايش تفاصيلهـا و كاني واحد منهم و فيـهم ..
سمعـت حد يدق البـاب ..
انا : ادخل ؟
دخل ابويـه و يلس ع الكرسي اللي مجابلنـي
تصدد يميـن و يسار و كانـه يدور على شي ..
و ركز بنظرتـه الحاده عليه : كنسل الطلعـه اليوم .. الاداره متصليبي بيعيدون امتحـان الرياضيـات !
تغصصت .. و عرفـت انه من الغش اللي صار هاك اليوم
لكن مع هذا .. اصريـت اننـا نطلـع ربـاعه .. و اليوم يعنـي اليوم !

اتصلـت بـ علي .. ااكد عليـه ..
طلعـت ادور امايـه ، ما لقيتهـا .. دخلـت عليهـا الغرفـه و شفتهـا راقده
طلعـت بسرعه للصاله و فجيت التلفزيـون ..


- بعـد الطلعـه -

رديـت مع امايـه و عمـي .. كنت مستانـس و ناسـي الامتحان تماماً
ابويـه اصر عـ علي انه يوصلـه .. لانـه قاصد كارفـور !
تذكرت سلوم و عيسى و يمعـه الشباب ..
دقيـت عليـه .. طرش دريولهـم و سرت صوبهـم

كنت العب ورقـه ..
و مستانـس لابعد حد .. [ بعد ما قدرت اتغلب ع الضيج اللي صابنـي الصبح ]
فجـاه .. رن تلفونـي ..
الرقـم غريب .. ؟

انا : الو ..
.. : السلام عليـكم و رحمـه الله و بركاتـه .. معـاك الدكتور احمد و ...


برب !!