.. بسم الله الرحمن الرحيم ..
.
.
.
.. أقبَلُوها كَمّا هِيَ ..
.
.
.
المحابر , والقلم , والطرس , وأعلوم القصيده=والمعاني , والجُمل , والقاف , وأطروق القصايد
والمدامع , والقدر , والبُعد , وظروفٍ شديده=والخواطر , والنظر , والجرح , ودموع ٍ شهايد
والليالي , والضحى , والنجم , وأخبار ٍ جديده=والكتابه , والنثر , والطرح , وبيوت ٍ فرايد
والعزاوي , والعزا , والعز , والعزه تزيده=والمراجل , والولد , والعلم يبن الناس كايد
والمدامع , والبكا , والحزن , والحال الزهيده=والسوالف , والسهر , والشوق , وأفكارً شرايد
كيف أجمعها سوى هاللحين في جُمله مفيده !=كيف أجيب الزبده إللي طامع ٍ منها فوايد !
كيف ألمّ الفكره إللي غاديه مثل الفقيده !=ماهي بس إللي فقدت اليوم فاقد لي فقايد
ودي أذكرها ترى من كثر ماصارت عديده=ولو بعددها سوى صارت على مثلك شدايد
إستلم , وإسلم , وسلمني على كل النشيده=وإن وصلت لقصدي المقصود في حبك عوايد
مّير لا تطري عليّه طاري الصد وتعيده=كن قلبك مايحن وكن قلبي به وقايد !
لو صحيح إنك سمعت القلب مع جرة نهيده=ماقطع قلبك صباح ولا مسا طعم النهايد
كان ذا حُب ٍ تعرفه ياعسى الله لا يعيده=تحسبّني جنديٍ عندك مجازى وأنت رايد !
كلبونا إعيال لادم والله الواحد عبيده=بس لو إنك تكبّرت بصراحه منت فايد
غير قولة / رح فمان الله في درب ٍ تريده=ما أنت لا مني ولاني منك فالراي المحايد
لا تقول / إن الدموع الزرق صارت هي أكيده=وفّر دموعك وخل عيونك تذوق الهجايد
إترك إللي داخلي يحيا على عروق الوليده=لين يشبع من عروق ٍ مالها غير القرايد
لعنبو حّيك أحبك والمحّب مافك قيده=وإعتبر ما فات مزح ولا تكثّرها نشايد
يكفي إني ذاكرك رغم المسافات البعيده=مانسيتك يا الغرام وكل وقت آجيك أعايد
ماحدن قبلك ترّبع وسط قلبي وأنت سيده=والمحبه كنها دوله لحُب الشيخ زايد
أشهد إنه من عقب ماراح وأصبح هو شريده=ما تناست دولته حُبه عقب ماصار قايد
سامحك قلبن يحبك باقصى دم ٍ في وريده=وسامحك شريان قلبن لو يضخك صار جايد
.
.
.
سطام فيصل الشمري
23 Aug 2008, 04:11 AM
@ إستلم وإسلم وسلمني @
(View-All)
الاعضاء الذين شاهدوا الموضوع : 0
العرض العادي
