قصيدة تهز القلوب

Meyassy · 30 Jul 2005, 09:34 PM

بسم الله الرحمن الرحيم

السلام عليكم ورحمة الله وبركاته

هذه قصيدة كتبها واحد اسمه خالد كان يحب حبيبت صديقه

اصيب بمرض وخبروه انه بيموت سار و كتب الشعر لصديقه يقول له فيه

انه يحب حبيبته و يبي من خويه هذا انه يخليها تنساه

اقروا القصيده والله تستاهل ... وراح تعرف معنى الحب الصادق

وصاتي لك من بعـــــــــــــــدي تموت فيها علشاني

ابيها تعيش و تحيـــــــــــــا بك واظل بالذاكره مفقود

وصاتي لك تنسيهـــــــــــــا ملامح وجهي و تنساني

وتعزفها قصيدة حـب على عكس اللي عزفته بعود

وصاتي لك تبعدها عن اشعاري وقيفانــــــــــي

تراها مغرمة بالحيل ويشهد لي عدد الردود

وصاتي لك تسايرهاترى فيها من احزاني

طلبتك لايضيق بالك طلبتك والطلب مردود

وصاتي لك تناديها حياتي عمري ازماني

انا عودتها دايم ادلعها وانا موجود

وصاتي لك تعاملها بطيبه قلب و احساني

تراها تذرف الدمعه ودمعتها بليٌا حدود

وصاتي لك تحفظها سور وآيات قرآني

وتخبرها عن الميت رحل لايمكنه بيعود

وصاتي لك ترسمها على قبري وأكفاني

ابيها لوحة تبقى على طول الزمن محدود

وصاتي لك تمازحها وتشوف الضحكة بأسناني

سعيتك ياضحك هالكون طلبتك لاتصير جلمود

وصاتي لك تقهويها من دلالي و فنجالي

تراها تعشق السمرا ويكفيها دخون العود

وصاتي لك تركبها على خيلي و على حصاني

وربي فارسة من قلب شهادة ماهي لشهود

وصاتي لك تسفرها بلاد الشام و لبناني

ترى يحلالها تقطف ورده وردة من بلد الورود

وصاتي لك تراقصها على الحان رحباني

ترى فيها عرق خالة وفيها من جنون السود

وصاتي لك تحببها فأبونورة بعد هاني

وتنسيها ندم غلطة انا فيها ترى المقصود

وصاتي لك تكرهها في تاريخي و عنواني

أبيها تلعن اللحظةوتلعن كل فرح موعود

وصاتي لك تكلمها عن المجني وعن الجاني

وتخليني انا الظالم وانا من حرق الاخدود

وصاتي لك تشبهني بدم أحمر قاني

وانا هالقاتل السفاح مجرم من عصر نمرود

وصاتي لك تحلفها تتوب تحبني ثاني

ترى يكفيها ماعانت ويكفي حيلها مهدود

وصاتي لك تنسيها وصية قالها لساني

أنا اخبرك رجل موقف وانت قدها وقدود

صديقي مالقيت غيرك يعرف وشلون تنساني

أمانه ضمها بقلبك

ترى خالد

....

..

.

رحل مايعود

م

ن

ق

و

ل

اختكم

Meyassy

شاعرة ظبيانية · 30 Jul 2005, 09:46 PM

مياسي

عزيزتي

وعليكم السلام ورحمة الله وبركاته

قصيده مؤلمه حزينه أحزنتني معها

لاتعليق عليها بصراحه

فيها من الحزن بحور

وفيها من الألم شعور

عزيزتي

(( رحم الله خالد ))

حب صادق

احساس صادق

سلمت أناملك غاليتي

شاعرة ظبيانية

=غواني الكتبي= · 30 Jul 2005, 11:01 PM

انا عودتها دايم ادلعها وانا موجود

وصاتي لك تعاملها بطيبه قلب و احساني

تراها تذرف الدمعه ودمعتها بليٌا حدود

وصاتي لك تحفظها سور وآيات قرآني

فعلا أنا أقراااااااا القصيده والدمع على خدي مذااااااريف

تسلمين يا الغلا على نقلج المميز

حقااااا هذا الحب الصاااااااااادق

نترقب من الغلا كل ما هو غااااااالي وثمين فلا تحرمينا

وربي يعطيج ألف عاااافيه ختي الغاليه

ولج الغلا والود

الخيل · 31 Jul 2005, 01:56 AM

Meyassy

قصيدة رائعة بها من المشاعر المحزنة ما يكفي لتجعل شعراء خلان

تتعاطف مع خالد

رحمك الله يا خالد وسلمت يداك يا شاعرنا المرهف على نقلك الرائع

تحياتي الخيـــــــــــــــــــــــــــــل

ولد العين · 31 Jul 2005, 03:21 PM

يحليله
الله يرحمه

عبر عن اللي فخاطره في هالقصيده

ورمى الكثير من الالام فيهاا

والله يكون في عون ربيعه

ومشكوووره مياسي
والله يعطيج العافيه

Meyassy · 02 Aug 2005, 04:46 PM

شاعرة

ربي يسلمج غلاتي

اشكرج على حضورج وتواصلج الدائم

Meyassy · 02 Aug 2005, 04:49 PM

غواني الغالية

مثل ما قلتي هذا هو الحب الصادق

تسلمين غلاتي على حضورج المتميز وربي يعطيج العافية

Meyassy · 02 Aug 2005, 04:51 PM

الخيل

اذا كانت القصيدة رائعة فـ حضورك على صفحاتي المتواضعة عو الاروع

ربي يسلمك واشكرك على التواصل

Meyassy · 02 Aug 2005, 04:53 PM

ولد العين

ربي يعافيك اخويه

اشكرك على مرورك الطيب وتواصلك الدائم

Emaratee · 02 Aug 2005, 05:16 PM

حليله .. مرحوم يا قلب صابك الحب مرحوم

الله يرحمه .. حبيب درجه اولى ..

هيه ومن الحب ما قتل .. حتى وهو ميت يوصي على اللي يحبها ..

مشكوره على النقل ولا هنتي الشيخه

الذين يشاهدون محتوى الموضوع الآن : 1 ( الأعضاء 0 والزوار 1)

(View-All) الاعضاء الذين شاهدوا الموضوع : 0
There are no names to display.