السلام عليكم ورحمة الله وبركاته
وبعد ,,
مشاعر ٌ لا تنتهي .. وقلم ٌ ينزف ُ باستمرار
لربما كنت أنا كذلك ,,
::::
لكم اليديد مني يا أعضاء ^,^
أعاتب قلبي المسكين ..
في قصيده بعنوان : ~ { صرت واطي } ~
اتمنى انها تنال على اعجابكم ,,
أقول :
ليش يا قلبي تِسـوي هالْبشاعـــه فـي حياتـي
طحْت من عيني بعَد ما كان قدرك فــــي رفيعه
صرْت واطي مـا تعادل لــوْ بقول انّــك وطاتـي
ما تِـــعادل وطْــــيتي يـا للأسـف حالـك لويعـه
يخْدعونك في سهوله مــــــا تبالـي مـا تحاتـي
آه منّك ما بِقالي شيّ ضاـــقـت بـــي الْوسيعـه
قلْت يا مسكين انته وش تِسوّي فـــي صفاتـي
صرْت ما أسوى تَراني مـــن سواياك الفضيعـه
مبْتلِـش منّـك قليبـي ماقِــــدَر انّـــي أبـــــاتـي
ساهر ٍ واعي أشـوف العـمْـــر أيــــام ٍ سريعـه
لي متى بتْظل طايشْ لاهـي ٍ اصحـى غنـــاتـي
مـا رأيت الا سِــــواد الويــــــه منّـك والوجيعـه
آه انـــــا ضايع وتايـــــه فـي زمـن زوّد شقاتـي
كـلّ يـوم ٍ لــــــــه قليـب ٍ فـــي متاهاتـه يبيعـه
للأسف ضــاعتْ سنينـي حطّمَتْنـي ذكريـاتـي
كـمْ عنيت مْن الألَم والعين مـن دمعي صريعه
يا قِليبي كمْ بعلّم فيـك وانتـــه فـــــي سبـاتـي
كم أقول انّ الدَهَر ان ْ مـــــا يطيعك لا تطيعــه
لا تِعانـد يـــــا قليبـي العِــــمِـــر روّح وفــــاتـي
وانتهى وقْت الجشَع بــي وابتدت لحظه مريعه
ويــش أسوي في قليبي ابتدت لحظـة وفاتــي
مــا نِفعني طيش قلبي فـي سوايـــاه الشنيعـه
شعر : خالد الشامسي
04 Sep 2008, 05:37 PM
~ { صرت واطي } ~ ,, يديدي ,, حياكم
