تحتضر قدام عيـنه لين ماتت من قهــــــــرهــا ..

Emaratee · 02 Aug 2005, 08:00 PM

ماتقبــــــــــــــلت الفراق وماليدي فيه حيله =
آآه لو ان الظروف المقبله تكشف قدرها
لو يعرف الشخص منا وش مع الغيب بيجيله =
كان جنبنا المشاكل من قبل يوقع ضررها
ماهقيت الليله الي جابت الفرقا طويلــــــــه =
لين صارت ليلة امسـ بعيني اطول من شهرها
كأن روحي يوم حست في جفاه وصعب نيله =
بشرتني بالضيـاع وشدة العزم لسفرهــــــــا
مارحمها من هلاك وماتقبلهاا دخيـــــــــله =
تحتضر قدام عيـنه لين ماتت من قهــــــــرهــا
عاد ليت الي ذبحها وارهب الموت بوسيله =
مادفن وجه الضحيه والسكاكين بنحرهـــــــــــا
رحتـ اسولف للجبال الصم عن قصة رحيله =
ماتركت بتونها الا ينحط الدمع بصخرهــــــا
واحداً حقق جماله كذب اساطير الف ليله =
يسكن السبع البحور ويحبس الحور بدررهــا
له بعيني مثل ماللطهر بالنفسـ الاصيله =
تقتطع ايدين الردي لو مس شعره من شعرها
مابغيته غير درب وشتت اقدام الدليلــــه =
مزنـةٍ ما بللتنـي واستحيتـ اطلب مطرهــــا
والعطايا من اديـن الخلق للطالبـ قليله =
والواهيب من يـد الله لعبـاده اجلـ وارهــــا
وان نسيت اني زرعت العشق وحظوظي بخيله =
مانسيت ان العطايا تستحق الي شكرهــا
صعب تلقى شخص وافي يجزي الطيب بمثيله =
والعرب قد قالت ان الناس ماخلت قشرهــا

بنت الشايب · 02 Aug 2005, 08:05 PM

واو اخوي وايد حلو تسلم ايديك

شاعرة ظبيانية · 02 Aug 2005, 08:08 PM

صعب تلقى شخص وافي يجزي الطيب بمثيله =
والعرب قد قالت ان الناس ماخلت قشرهــا

:: الشاعر إماراتي ::

والله انك صدقت بكل جمله كتبتها .... بكل بيت بكل حرف .,..

قصيده واااايد راااائعه وأكيد أنا ما أستغرب هالشي

بادر من شاعر له مكانته في مجالس الشعر في المنتديات

(( صح الله لسانك ولاهنت الغالي ))

وتسلم على هالمنطوووق الغاوي ...

بانتظار كل يديد وكل مايجود به قلمك المبدع

همسه :- سجل إعجابي بما كتبت بحروفٍ من ذهب

تحياتي المحملة على كفوف الورد

شاعرة ظبيانية

شوق البحر · 06 Aug 2005, 03:09 PM

مارحمها من هلاك وماتقبلهاا دخيـــــــــله =
تحتضر قدام عيـنه لين ماتت من قهــــــــرهــا
عاد ليت الي ذبحها وارهب الموت بوسيله =
مادفن وجه الضحيه والسكاكين بنحرهـــــــــــا
رحتـ اسولف للجبال الصم عن قصة رحيله =
ماتركت بتونها الا ينحط الدمع بصخرهــــــا

&&&&&&&&&&&&&&&&&

اخي الكريم ..
ليتك تعلم ما اثرت من مشاعر ثارت صدى لكلماتك ..
تمردت في خوافي الاعماق تريد الخروج ورؤية النور ..
بعد ان حكم عليها بالوأد كي لا يحس بها بشر ..
أسلت أدمعا ونكأت جراحا ..
ليته أحس بما ارتكبت يداه ..
ولكن كيف ذلك وقد فقد احساس الانسانية !!
قد أطلقها مدادك صرخة ..
ما رحمها من هلاك وما تقبلها دخيلة
تحتضر قدام عينه لين ماتت من قهرها ..

نعم كانت تحتضر امام عينيه ..
وحشرجات روحها تسمع وتمزق الفئدة ألما وحسرة ..
الجميع يسعى في الارض وقد اصابهم مس من الجنون لما رأوا ..
ولكن .. كيف تتحرك في رأسه شعرة مما اقترفت يداه !!!
اختبأ بعيدا ينظر وداعها للدنيا ..
ينظر موت احبائها ألما ..
بينما يكتفي هو ........ بالاختباء ..

عذرا اخي ..
ربما خرجت عن موضوع قصيدتك ..
لكن كلماتك أثارت الشجن فانساب التعبير مخطبا اياها ..
سلمت يمينك لما خطت .. وابدعت ..
خالص احترامي ..

صدى الليل · 06 Aug 2005, 03:12 PM

صح لسانك يالإماراتي ...

Meyassy · 06 Aug 2005, 04:26 PM

رحتـ اسولف للجبال الصم عن قصة رحيله ماتركت بتونها الا ينحط الدمع بصخرهــــــا

سلمت يمناك اماراتي على القصيده

و صح لسانك

ولا هنت اخويه

احترامي

لاهــ العين ـوب · 06 Aug 2005, 05:50 PM

يعل عيني ماتبكيك ... ويعل عينك ماتبكي عزيز وغالي عليك

ويسلم لسانك وتسلم يديك ... على ماعتبت وأبدعت وسطرت بين صفحات ومواضيع وقصايد منتدى خلان ...

***صعب تلقى شخص وافي يجزي الطيب بمثيله =
والعرب قد قالت ان الناس ماخلت قشرهــا***

صدقت والله ... لاغير ماعندي رمسه غير اني أشكرك على ماتظهره لنا كتاباتك من احاسيس مقروئة ... تبهر كل قارئ لها

كل الشكر عزيزي وأتمنى أنك تتحفنا دووووووووم بالجديد

فـــــــــــــــــــــــــــانيله ياصاحبي

أخوكم الصغير
لاهــ العين ـوب

Emaratee · 06 Aug 2005, 06:55 PM

اخجلتوني بردودكم ..

لاهاااااااااااااااااااان من رد و مشكوووووووووووووووووورين

حلو المزوحي · 06 Aug 2005, 07:16 PM

بيض الله ويهك ياخوووي عالنقـــل الاحلى من راائع

وعن القصيـــده ترانااا مااانقدر نعيبــهااا يكفي انهااا من قصاائد قنبلة الشعـــر

حـــــــامــــــــد زيــــــــــد

ولاهنت ياخويه

ويامرحبابك عد يوم وشهر وسنيناااا

تحياتي لك

حلو المزوحي

صدى الليل · 06 Aug 2005, 10:41 PM

هههههه وأنا ماأنتبهت تحسبتك أنته كاتبنها
المهم شكرا على النقل الحلو...

الذين يشاهدون محتوى الموضوع الآن : 1 ( الأعضاء 0 والزوار 1)

(View-All) الاعضاء الذين شاهدوا الموضوع : 0
There are no names to display.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع