الجزء الثاني

:
:

بعد ماطلعوا الشباب من الصاله ساروا الميلس وقعدوا يسولفون وطلب ناصر من زايد يغتى حتى لو مقطع واحد وقعدوا يحاولون فيه بس ماشى فايده .
زايد: شو عنز قالولكم اطرب
سالم: ورفجه بس مقطع انزين
خليفه: مقطع واحد يالظالم
فهد: زايد يالله عااااد
زايد: عبدالله
عبدالله: هااا شو
زايد: انته غن عنى
عبدالله : لو امووت يالله غن انزين
زايد: يالله امرى لله ((اوعدنى عنى ما تغيب تبقى هنا جنبى قريب ..محتاج انا مثلك حبيب تفهم عيونى و ضحكتى ..فيك انته حلمى من زمان و انته الهو و ادفى حنان تلقى معاى روحى و الامان نحن بشر فى دنيتى .))
سالم: رووووووووعه و لله
زايد: تسلم و لله
فهد: فى منو الاغنيه
زايد: سير لالالاه حد قالك انى خبله احب بنيه
ناصر: خيبه اشفيك على البنات
زايد: مافينى شى بس انا ما اريد حد
خليفه: انته عكس للى عدالك
زايد: منووووه
عبدالله: منو بعد سالم الهاملى
سالم: بتتعذرون عنى بعدين
زايد: يا اخو ياسالم مب زين للى تسويه فى بنات الناس و انا اخوك شو بتستفيد جان انته و الا خليفه للى طايح فى المول
خليفه: ماشى شغله شو نسوى بعد ..بس البنات يازايد هن للى يسون حركات
عبدالله : صح انا اصغركم ((يطالع اخوه زايد)) تسمحلى اخوى انى ارمس
زايد: هيه نعم
فهد: يالله قول ياعبدالله
عبدالله: صح انى اصغركم بس عمرى انا الحين 20 سنه يعنى فاهم كل شى صدقونى للى تسونه غلط و انا ما اوجه رمستى هذى حق سالم بس حقكم كلكم و لله ..
زايد: صدقت يا اخوى ها سالم شو الراى
سالم: ما اعرف شو اقولكم
زايد: شورايك اندير مشاريع اهلنا ابرك من سوالف البنات و هالخرابيط
ناصر: بخاويك ياولد عمتى
زايد: بارك لله فيك و الباقى
سالم: بخاويكم انا بعد
الكل ابتسم لانهم اتفقوا ولاول مره على شى بتستفيد منه العايله على الساعه خمس العصر بعد اذان العصر اجتمعوا شباب و بنات عدال يدهم بو محمد ..يدهم عنده بنتين ثلاث اولاد ((ام زايد و ام سالم .....محمد وسعيد وحمد)) ام سالم عندها سالم و ميره و نوره وموزه و الصغير هزاع للى عمره 6 سنوات .....محمد عنده خالد ناصر وخليفه و حمده.... وسعيد بعده ماعرس لانه اخر العنقود ويدرس قى بريطانيا ..............وعلى العصر الكل يبحلق فى الثانى يوم وصل بومحمد الكل وقف احتراما لهيبته للى معروف عنه بقوه شخصيته بس حنون و قلبه طيب ماشى اطيب عنه ..
بومحمد: شحالكم يا عيالى
الكل: الحمدلله
محمد: اقوول ابوويه سعيد ما اتصل فيك
بومحمد: لا و لله ياولدى
زايد: كم رقم خالى انا بتصل فيه
بومحمد: و لله ما اعرف ياولدى و شخبار عمومتك
زايد: الحمدلله بخير يسرك حالهم يدى
بومحمد: محمد متى معزمين تيوزيون خالد
محمد: و لله ما ادرى ياابووويه
بومحمد: هوه وينه خالد
سالم: اكيد فى الشغل
محمد: هيه صح اليوم اتصل يستسمح منك يا ابويه ويقولك انه باى على المغرب
بومحمد: لله يوفقه
الا و اشوووى دخل خالد للى بشابه يده يوم كان شباب فى قوه الشخصيه و الطيبه بس خالد فى شى انه واايد يحب يسولف وينكت بس ميره من شافته انتفضت بالقو لان هذا الشخص تحبه بكل جوارحها تحب الارض للى يمشى عليها يوم شافته حطت ايدها على قلبه ..خالد انتبه لها و علشان ما يستوى مشاكل ما عطاها ويه و سلم على يده و قعد عداله
بومحمد: شحالك ياولدى
خالد: تمام الشيبه
بومحمد: عنلاتك شيبه شو
خالد: هههههههههههههههههه شو اسولف ((التفت على زايد)) هلا بوسلطان شحالك
زايد: و لله تمااام
خالد: ماشاء لله المعزبى الناس كلها تطرى مشروعك للى بتسويه فى العين
زايد: لا و لله و صلك الخبر
ام زايد: اى مشروع
فهد: اماايه عن للقافه ههههههههههههههههههههه
ام زايد: بس يالله
بومحمد: شو من المشاريع
زايد: مشروع تجارى بسوى مووول
محمد: واايد يباله يا زايد
خالد: تبانى اساعدك حاضرين
زايد: مشكور و لله يا خالد
محمد: خالد
حالد: نعم ابوويه
محمد: ها مب معزم تعرس
خالد: ابوويه ما اريد
امنه((حرمه خالد)): ياربى من هالولد كم عمرك الحين
خالد: 24 سنه يعنى صغير
ام سالم: شو صغيره لازم تعرس علشان نفرح فى عيالك
خالد: شو تبون فينى هذوه زايد والا سالم و الا فهووود و عبوود و نصور و خلووف يوزوهم
زايد: انا مابا
سارووه: ليش ههههههههههههههههههههه
بومحمد: سارووه اشعنه ليش بعد
ساروه: يدى انا اعرف ليش زايد مايريد يعرس
زايد: رمسى ليش
سارووه: لانه مايقدر يفارق حبيبه قلبه
من سمعت نوره و حمده الرمسه هذى انصدمن و التفتن على زايد للى قعد يغايض ساروه: هيه حبيبه قلبى و حبيبه عمرى و حياتى وروحى
حمده: منووو
زايد((باستغراب)): امااايه ليش ..؟؟
حمده: لا ماشى
ناصر: حووه اشفيج
محمد: هابويه وين
بومحمد: ماشى بسير عند ريال بتخاوينى
محمد: هيه ان شاء لله
ام زايد: نحن الحريم بنسير عند يارتنا ام احمد
سارووه: امايه لا تتاخرين
ام زايد: وابوى انا على البنات

طلعن الحريم صوب بيت ام احمد وقعدوا الشباب و البنات فى الصاله عااد كيف بيفتكون من صدعه خالد للى مابيخلى شى فى البنات الا و خلى كل وحده يا اتصيح يا تزعل ...
خالد: ياربى كم راسى يعورنى
حمده: كل بندول انزين
زايد: مايريد بندول
فهد: عندى فكره شباب شو رايكم باجر انسير العزبه
عبدالله : هيه و لله
ناصر: فكره و لله بس البنات بيسيرن
خليفه: لا بنربطهن فى الزريبه
ساروه: شو قاعده على راسك
خليفه: انتى بنت مب بنات
ساروه: لا قاعدين على راسك
خليفه: هيه شو بتسوين
ساروه: لا و لله ماتدرى
خالد: اييييييييييييييه بس جب انتوا الاثنين
ساروه: ما بسكت
خليفه: لا تستكتين ((يطالعها بنظرات تحدى))

ماقدر ساروه تستحمل جدام نظراته لان خليفه بنظره وحده كان يعق طيرها من سماها بسره حطت ايدها على عيونها: بتشوف
خليفه((يضحك)): شو بتسوووين
زايد: هههههههههههههههههههههه خلوف خلها بتصيح
خالد: لا و لله عاد انا ابشوفها تصيح
ميره: حرام عليكم
خالد((يطالع ميره و يبتسم)): ليش
مير((مستحيه)): بس لانها اصغركم
خليفه: يالله سارووه
سارووه: شو يعنى تتحسبنى اخاف منك
خليفه: هههههههههههههه تضحكينى ساروه تراج
فهد: شو رايكم احط لكم فلم احسن عن الضرابه ((يغلس بهم ))
ناصر: لا يبوك للى جدامنا فلم هندى بعد شو تبا
عبدالله: هيه و لله تعالوا انطالع الاحداث
خليفه: هاساروووه ((رن تلفونه))

ساروه: يالله
خليفه: لحظه ساروه برد على التلفون((يرد على التلفون)) هلا غناتى شحالج
سارووه من سمعت هالرمسه طالعت خليفه بنظرات استغراب معقوله جذا يسوى ليش ياربى ميره انتبهت على سارووه وخافت لا يصير فيها شى لانها تعرف بشو تحس ..تقرب خليفه اشوووى منها وهو يرمس البنت و سمعته يوقللها انه اشوى مشغول بيرد يرمسها بالليل احسن ..ورد حق ساروه
خليفه: ها يالله ساروه
ساروه:.......................................
زايد: شوفيج ساروه ((خاف على اخته وقف وسار صوبها))
ساروه((دموعها بعينها و اطالع خليفه)): مافينى شى ..
خليفه: اشياج اشفيج سارووه
سارووه: ماشى خوذ عن دربى الحين لا افلعك ((تنزل دمعتها على خدها))
خليفه اول مره يشوف للى فى عيون ساره ..ولا مره شاف هالدموع ..تذكر اخر مره شافه دموعها يوم كانت فى الروضه معااه ..قعدت ساره عدال فهد بدون لا ترمس حد ..
خالد: شوفيج سارووه
زايد: لا تخوفينى شوفيج
ساروه: مافينى ((اطالع اخوها وحظنته و اتصيح بصوت اشوى مسموع))
خليفه ((تقر ب منها)): ساروه شوفيج
سارو: أكرهك
خليفه انصدم شو السالفه و قعد مستغرب من تصرف ساروه زايد شاف اخته بنظرات غضب: شو هالكلام حد يكره و لد خاله
ساروه:...............................
زايد: ردى يالله على ((معصب))
حمده: اشفيك عليها اشوى شوى ...
زايد: لا و لله
ساروه: انا اسفه انزين
خليفه: عادى بالحل الغاليه
ناصر: خبال و لله
سالم: هيه و لله ههههههههههههههه الا اقول خلووف
خليفه: ها شو
سالم: شورايك انسير العزبه باجر
خليفه: شورايج ساروه
زايد: هاشرايج
ساروه: هيه انزين سير
خليفه: هههههههههههههه يالله وقعى
ساروه: هيه شو اوقع بعد
خالد: حمدووووووووووووووووووووووه
حمده: يالله غنى
ناصر: دخيلك لا
سالم:ليش عااد للى اعرفه صوت حمدووه حلو
موزه: غنى ماعليج منهم
عبدالله: ليش موزه ماتغنين
موزه((مستحيه)): انا استحى
نوره: انا صوتى حلو
زايد: ويييييييييه خذاك ذا الصوت للى تعرفينه
نوره: ليش عاااد
زايد: ما احب صوتج
نوره: ليش بتتعذر عنه
زايد: ههههههههههههههههههههههههه دخيلج حمدووه غنى
حمده: اوكيه يالله سمعوا
الكل: سمعنا
حمده: ((تصبح وتمسي وترقد دون تسمعني...عودت قلبك على هجري ونسياني
انت تعمدت بغيابك تقاطعني...وانت تسببت في همي واحزاني
صبرت بس الصبر ماكان ينفعني..ومليت مل انتظار وبعدك اشقاني
ياماتمنيت شوفك وانت تمنعني... وانت تجاهلت احاسييسي ووجداني
لاتعتذر في العذر ماعاد يقنعني.. من عقب ماذقت من صد وحرماني
انا اتحداك اذا تقدر ترجعني... اوا نت تقدر على بعدي وهجراني
ماعاد لك اي دافع شوق يدفعني.. من عقب ماانت تبيع بارخص اثماني
بالحيل عانيت من بعدك ولوعني..جرب عذاب الفراق ويمكن تعاني
لالا تحاول وابعد روح وطاوعني ..ولاتفكر انك تعود لدنيتي ثاني
ماعاد حبك ولاشوفك يولعني ..انا نسيتك واطلب منك تنساني)) و اطالع زايد للى حس انه هذى الاغنيه موجه له هو بالذات نزل راسه و ابتسم ابتسامه وطالع حمده للى اول مالمحت عيونه بسرعه قعدت
خالد: يالله يارب ترزقنى ببنت حلوه تشابه...........................
ميره: عادى ارمس قول نانسى عجرم و الا اليسا مب احسن
خالد: حد قال جذا
ميره: تراكم انتوا جذا شباب بلادنا صاروا حق الغرب
خالد: لا و لله
ميره: هيه و لله
موزه: صح الحين شباب الامارات بنسبه 90% ياخذون من الوافدات
عبدالله: عيل يبالى انا وحده
موزه((معصبه)): سير خذلك وافده احسن ((تفر المجله))
خالد: اشفيكن انتن اييييييييييييييييييييييه
زايد: البنات معاهن حق الحين انا اخلى بنات بلادى و اسير اطالع برع اسمينى هب ريااال اذا سويت جذا
خليفه: انزين اشفيها
زايد: و لله فيها قبايل الحين ترضى اختك تكون عانس ولد خلها و الا عمها ياخذ وافده
خليفه: بصراحه صدقت انزين الحين منو قال ان بياخذ وافده
خالد: محد
ميره: انته
خالد: انا
ميره: هيه انته قلت يارب ترزقنى ببنت .... اكمل الفراغات
خالد: انزين سلووووم
سالم: هلا
خالد: انا قلت انى باخذ وحده من برع
سالم: الروسيات واايد و لله فى البلاد
ميره((معصبه)): بدال ماتنصحه قاعد ادمره
خالد: هههههههههههههههههههههههههههههههه تصدقين ميرووه لله يعين ريلج يوم بياخذج ((ياشر على عمره))
ميره((مستحيه)): اسكت يالله ياراعى نانسى عجرم
زايد: ههههههههههههههههههههههههههههههههههه و لله قوووووووووويه
خالد: الحين راعى نانسى باجر بتتعذرين عن حرمتى ((يأشر عليها بدون محد ينتبه عليه))
موزه: اااااااااااااااااااااااااااااه يالله ياربى بستين مليون
خالد: يالحراميه
ناصر: شو تبين فيهم ستين مليون
سارووه: يا سلام ايوااااااااااااااااااااا
الكل التفت على ساروه للى كانت اطالع التلفزيون
زايد: حوووووووووه ارتفعت درجه حرارتج
سارووه: تعالوا بنات شوفوا فزااااااااااااااااااااااااااااااااع ((تغايض خليفه))
موزه: وينه وينه
سارووه: يالغبيه فى التلفزيون
موزه: لله بنطبج تحسبته فى بيتنا
سارووه: لا هذوووه فى التلفزيون يا سلام على الكشخه و لله انه رووعه يارب يعطينى ريل يشبه و الا ليش يشبه ان شاء لله يخطبنى
فهد: اخبلت اختى هههههههههههههههه و بنت خالووه
عبدالله: عنلاتكن ماتستحن حشمونا على الاقل
ميره: حليلهن
خالد: احلفى انتى بس
ميره: هيه و لله هههههههههههههههههههههه
ساروه: نحن خليناكم حق نانسى عجرم و ربيعاتها
موزه: ههههههههههههه احلفى
خليفه: ايييييييييييييييييه ساروه
ساروه: اشعندك
زايد: ساروه عن الخبال
ساروه: اشفيكم و لله
خليفه: اسمه الشيخ حمدان ين محمد
ساروه: كيفى
خليفه: شو ماتستحين
ساروه: لاءه
خليفه: عاشت المصريه
ساروةه: لا و لله
نوره: بس عاد انتوا عن الصدعه ((اطالع ساروه)) اشوفج الحبيبه تحبين تغايضين لو شو سويتى مستحيل ينزلون عمارهم علشانج ((تقصد خليفه))
ميره: نوره عيب شو هالرمسه
نوره: و لله ورمستى واضحه مفهوم ((اطالع زايد))
زايد: شو فيج انتى حد ضاربج على راسج
سالم: خلها عنك هذى مع الكل جذا
زايد: بس سالم و اما اخوك هذى حاطه دوبها من دوب اختى

دخلن فى هالوقت الحريم ......
ام زايد: بتتعذرون عن نوره تراها بتكون حرمه ولدى ((زايد يطالع فهد ..وعبدالله))
عبدالله: انا صغير ما اريد
ام زايد: مب لك انته
زايد: حق منو
ام زايد: لك انته
زايد: مااباها زين جذا ((قام من مكانه زيد وهو معصب))
ام زايد: اشفيه عصب كنت امزح وياه
سالم: هذا وقته خالووه
ام سالم: ليش شوصار
ساروه: بنتج حاطه دوبها من دوبى
ام زايد: عيب يابنت
خالد: خلاص ماعليكم انا زايد اعرف اتصرف وياااه
فهد: وين يدى
ناصر: سار ويا ابوويه
خليفه: ليش
عبدالله:ردينا على سالفه العزبه
ام زايد: هيه و لله اشرايكم باجر انسير العزيه ..
ام سالم: خلاص بنكلم الوالد
فهد: صدق و لله
ام خالد: ان شاء لله بنرمس عمى
عبدالله: خلاص ارتحت
سارووه: امايه شوفى ولد محمد بن راشد
ام زايد: ماشاء لله عليه لله يوفقه فى حياته
خليفه: بوطبيع ماايوز عن طبعه
حمده: ههههههههههههههههههههههههههه حلو و لله جذا
ميره: نفس الشعور
حمده: بالظبط
ساروه: شوفيكن
ميره: ابد سلامتج
ساروه: برايكن ((تلتفت على موزه)) اييييييييييييه موزه شوفيج اطلعين جذا لا احسن ادخلى داخل التلفزيون عنبووه حد يفج حلجه جذا تقولين بعير
موزه: انا احلى عن البعير
سالم: ههههههههههههههههههههههههههههههه تقارن نفسها بالبعير
خليفه: ههههههههههههههه الحمدالله و الشكر يارب
خالد: ساروه
ساروه: هاشو
ام زايد: و احطبه
ساروه: اماايه احيد خالد زقرنى ههههههههههههههههههههههه
فهد:و لله غبيه
ساروه: انته غبى بعد شو
خليفه: لا هالبنت قويه ((يفرها بالمخده))
ساروه: راسى ليش تفرها ((تفر المخده))
خالد: بس شو حرب عالميه

فى هاللحظات دخل بومحمد وولده حمد ويوم دخلوا كلهم صخوا ....
بومحمد+محمد: السلام عليكم
الكل: و عليكم السلام
بومحمد: وين زااايد
خالد: برع ليش ماشفتووه
بوخالد: لا
خالد: بسير اشووفه
بوخالد: برايك ياولدى

طلع خالد من الصاله ساير صوب الحوش وشاف زايد قاعد و قعد عداله التفت عليه زايد: خالد
خالد: هيه خالد يامزيون العين
زايد: انزين
خالد: اشفيك يمزحون وياك
زايد: عاد مب جدامها تصدق من سالفتها كرهتا
خالد: بعدك تذكر حليلك يا سالم
زايد: لا تقول جذا مب زين
خالد: شو تبا فيها انته
زايد: ما اريد فيها شى بس هذى تقهربى ما اطيقها
خالد: اصلا لانك احلى واحد فعايلتنا الكل عليك
زايد: اسكت لا المك بكف الحين
خالد: هههههههههههههههههههههه ماتنلام ساروه
زايد: لا و لله
خالد: هيه صح قم يدى وصل انسير داخل معزمين العرب يسيرون العزبه
زايد: يالله انزين

ساروا صوب الصاله او ل مادخلوا زايد طالع نوره بنظرات احتقار ...وقعد عدال يده ..
بومحمد: اشفيك ياولدى
زايد: ماشى و لله يدى
بومحمد: الحمدلله يارب
ام زايد: ابوويه اشرايك انسير العزبه باجر
بومحمد: و لله ماعندى مانع ها محمد بتخاوينا
محمد: ان شاء لله ياابوى باجر نتغدى فى العزبه

اتفقوا انهم يسيرون العزبه ...كان هذا المكان كله ذكرياات اليمه بالنسبه لبو محمد ..من توفت المرحومه و هذا المكان يذكره كيف بدى حياه مع المرحومه و كيف الحين عايش بذكراها و لا فكر يتزوج عليها حتى و هيه فى قبرها ....

:
:

وترقبوا باجــي لأجـزاء

 

تسلمييييييييييييين والله ..
لي عودة بعد القراءة للتعليق ..
برب

 

مشكووورة عالمرور
وأنتظر عودتج

 

الجزء الثالث

:
:

يا اليوم للى اتجمعوا فيه علشان يسيرون صوب العزبه فى رماح ....وفى الطريق عااااد البنات مسويات صدعه للى تريد تركب مع خالد و للى تريد زايد و الكل يضحك عليهم ..اول ماوصلوا العزبه ....الشباب نزلوا الحريم و بومحمد كالعاده قعد فى مكانه المفضل ...
عاد خليفه تراهن وياسالم منو بيسوق الدراجه اسرع و طلبوا من زايد وخالد يراقبونهم بالنسيان ..وباقى الشباب قاعدين عدال بومحمد و الحريم و البنات ... بدوا يتسابقون وكل واحد مطير عن الثانى الا و اشوى ما انتبه خليفه حق الحصى للى كان واايد كبير و سارووه يوم شافته وقفت و حطت ايدها على قلبها ..بس خليفه ماقدر يتحكم بالدراجه و انجلبت و طاح خليفه على العرقوب ..ناصر ركض حق اخوووه و امه وقفت اتشوف بومحمد طمنهم انه بيكون بخير و هو قاعد يرمس شاف حد يركض تحسبه فهد و الا عبدالله بس كان للى يركض سارووه ..كانت تركض بسرعه و طاحت شيلتها و شعرها طار فى الهوا و هيه تركض باقوى ماعندها و قلبها يدق يريد يعرف شوصار فى خليفه ....خالد انبهر وزايد نفس الشى ..يوم وصلت مسكوها علشان ما تنزل بس كانت اقوى ..نزلت بسرعه صوب خليفه للى كان طايح يوم تقربت منه : خليفه قووووم يالله قووم انا اسفه ثانى مره مابغايضك
خليفه((يفتح عيونه)):سارووه
ساروه: هيه سارووه قوم يالله
خليفه: ما اروم اقوم
سارووه: قوووم عااااد ((وتصيح بصوت عالى وحطت ايدها على ويها))
خليفع قعد يطالعها اول مره يشوفها حلوه جذيه ..قعدت اتصيح الا وهو قاعد عدالها يوم لفت شافته : خليفه انته بخير
خليفه: هيه بخير
زايد: لا و لله
ساروه: غبى خوفتنى
خليفه((يرفع حواجبه ويضحك)): لا و لله ان شاء لله دوم
خالد: يالله قوم الوالده خايفه عليك
خليفه: ان شاء لله

الكل كان خايف عليه ووصلوا عند بومحمد ..
محمد: ها خليفه
خليفه: لا تحاتى انا بخير
ناصر: كله تمثيل هههههههههههههههههههههههه
عبدالله: المنافس الاول حق عادل امام
زايد: ليته عادل امام الا طارق العلى ..
قعدوا يضحكون و ما انتبهوا الشباب انهم رجعوا بدون سارووه ..خليفه قعد يلتفت وينها هذى راحت شاف صوب البنات ماشاف حد..
خليفه: وين ساروه
الا و اشوى ساروه وصلت ..وقعدت صوب امها وحطت راسها على جتف موزه
موزه: شوفيج حبيبتى
ساروه: ماشى و لله ((تحاول تبتسم ))
موزه: اكيد
ساروه: هيه قومى بسير اغسل ايدى
موزه: يالله
سارن علشان يغسلن ايدهن وموزه تعرف شو فيها ساروه بس ما تقدر ترمس علشان ماتجرحها
موزه: خلينا نتمشى
ساروه: و لله فكره
قعدن يتمشن الا و اشوووى لمحه ساروه خليفه قاعد بس هذا شو يسوى يرمس عمره شو خبله تقربت ساروه منه و سمعت كلام طاح على راسها ماقدرت تسوى شى الا انها تسمه بس كان خليفه يرمس ربيعته لطيفه للى يحبها وووعدها انه يخطبها هذا الشهر
خليفه: حبيبتى و لله بعطيج للى تبينه
لطيفه:استحى وياراسك
خليفه: هههههههههههه تستحين من شو من ريلج وياهالويه
لطيفه: احلى عن اى بنت عرفتها
خليفه: انزين ((التفت شاف ساروه ورد على التلفون)) اكلمك بعدين
لطيفه: ليش منو عندك شو مواعد
خليفه: لا بنت عمتى اهنيه
لطيفه: ليش شو تبا هذى بعد لا و لله هاللى ناقص يالله اختار انا او هيه
خليفه : شوفيك يا ولد الناس
لطيفه: انزين شو تبا فيها
خليفه: اكلمك بعدين
لطيفه: اكيد
خليفه: اكيد
بعد ماسكر خليفه تقرب من ساروه للى كانت منصدمه من للى سمعته بس قعدت اطالعه بنظرات و نزلت راسها
خليفه: تعالى ساروووه انتى و موزوه
ساروه:...............................
موزه((تسحب ساروه)): تعالى نقعد


بعد ماقعدوا .............
خليفه: ببشركم
ساروه: بشو
خليفه: انا بخطب
موزه((حطت ايدها على ثمها)): لا و لله
خليفه: هههههههههههههههههه بلاج هيه و لله
ساروه: منو
خليفه: ربيعه حمدووه اختى و الحين بسير ابشرها يالله خلونا انسير انا انحرقت
ساروه((بعدها قاعده)): انا بقعد اشوى وبلحقكم
موزه: خلاص بقعد وياج
خليفه: براحتج يالله يا سنوايت سى يو

بعد ماسار خليفه و ابتعد اشوى صوب اهله التفت ساروه صوب موزه و حظنتها و هيه تصيح حرام انا احبه موزه و لله احبه حراام
موزه: ادرى
ساروه: حرام و لله شو هالانسان
وبالصدفه سمعها ناصر و ابتسم بس مايقدر يغير للى يباه خليفه حتى لو على قطع ارقاب فيها .. مشى ناصر وهو يفكر فى ساره للى تحب خليفه بس ليش هذا الحب ماظهر الا الحين ..سار صوب يده وابووه وشافهم يضحكون على زايد للى طفر بنوره للى انقهرت وسارت
زايد: ههههههههههههههههههه هبله و لله
سالم: مب جانك اتسب اختى ههههههههههههههههههههههههههه
خالد: طااااااااااااااااف ههههههههههههههههه
خليفه: حوووووووووووووووووه ابشركم
ام خالد: يالله ياربى من هالتبشيرات ارمس
خليفه: انا بخطب
بومحمد: بس انته صغير ياولدى
خليفه: اريدكم تشوفون عيالى
خالد: شو يعنى
خليفه: مب قصدى شى بس انا اريد اخطب
ام زايد: منو ناوى تخطب
خليفه: انتى يا مي يونيفرسال
امزايد: بهالفنيال شو فيكس بعد
خليفه: هههههههههههههه ماقلت فيكس
ام سالم: بلاج ياحرمه ميس مال الشعر
زايد: هههههههههههههههههههههههههههه كملت و لله امى فيكس و خالوه ميس اووين
خالد: يدى بطنى يعورنى
محمد: بس عااد ههههههههههههههه
بومحمد: وابوى عليك انته بروحك يبالك غسال
حمده: شو فيكم تضحكون على عماتى
ام زايد: فديتج ياربى
حمده: يعنى ملكه جمال العالم
ميره: هيه خالووه يعنى جذا قصده خليفه
ام خالد: وين ساره و موزه يابنات
ميره: هذن يتمشن بيان الحين مع صدعتهن
الا و اشوى وصلت ساروه وموزه و ناصر رفع راسه وشاف عيونها منتفخات ..ونزلت ساروه راسها
خليفه: خلونى اقول عااد
بومحمد: قول ياكثر ما تقول
خليفه: اريد اخطب بنت سعيد بن سالم
محمد: و لله ناس و عرب
خليفه: متى
((سمعوا صوت حد يصيح ))
ام زايد: شوفيج ساروووه
سارووه:...................................((تصيح على جتف امها))
بومحمد((خايف)): بنتى اشفيج تعالى اهنيه صوبى
ساروووه:.............................((تصيح و منزله راسها))
ام زايد: ماعليه ابوويه بتسكت
سكتت سارووه و هيه تتالم من داخل و تتعذب و خليفه يطعنها فى الثانيه مليون مره ويجرحها بكلامه ...
خليفه: يا سلام يعنى بخطب بعد اسبوع
بومحمد: ان شاء لله
زايد: مبرووك
خليفه: لله يبارك فيك
نوره: مبروووك خليفه عقبال ماانشوف عيالك
خليفه: لله يبارك فيج ((يلتفت على اخته للى اطالع ساروه)) حمدوووووه
حمده: شوووو
ناصر: فى حياتى ماشفت ادفش عن اختى ..
حمده: لا و لله
زايد: اتحمل عاااد ههههههههههههههههههههههههههه
خليفه: ساروه يالله غنى
ساروه:............................................ ....
ام خالد: يابنتى اشفيج
ساروه:.......................................
بومحمد: سويره اشفيج غناتى
ساروه: مافينى شى يدى
بوخالد: لا شكلج مب عايبنى اصلا ..
ساروه: خالووه و لله مافينى شى

ساروه وايد تاثرت بفكره ان خليفه راح يتزوج وطول الوقت و هيه قاعده تفكر بس دموعها كانت اقوى من انها تتحمل هذى الفكره ناصر كان حاس باللى يصير فى قلب ساروه البرئ ويشوف فى عيونها نظرات للهفه و الشوق حق خليفه للى ما انتبه حق هالمشاعر ولو اشوى ..
خليفه:ها اماايه متى بتسيرن لهم
ام زايد: ليش مستعيل
خليفه: خير البر عاجله
ام سالم: منو قال
بومحمد: يا عيالى اول شى سالوا عن الحرمه بعدين يصير خير
خليفه ((مستغرب)): لا و لله و ليش يعنى تسالون
ام خالد: والا حاط فى بالك تعالوا خطبوا بس
خليفه: انزين سالو شو بيصير يعنى
خالد: اشفيكم انزين ماصار شى ((يطالع زايد))
زايد: ههههههههه نحن اكبر عنه ومالنا خص بهالسوالف
ناصر: ههههه انزين خلاص كل واحد يتنقاله
حمدوه: اشفيكم انتوا اييييييييييييييييييييييييه بس عاد عن الصدعه
ام خالد: وابووى عليج من بنت ماتستحين شو
حمدوه: ابويه شوفيها
بوخالد: و لله شو تبينى اسوى امج عاتنى العين الحمره يعنى لا ادلعها اكثر
حمدوه: هههههههههههههههههه اماااااااااااااااااايه
ام زايد: غربلات بليسج من بنت
زايد: مخرفه شكلج
حمدوه: منو هذى
خالد: هههههههههه شاكه بعمرها
حمدوه: انا مخرفه
موزه: بس سكتوا يالله ساروه بتغنين ((الكل التفت عليها))
ساروه: مااريد
موزه: يالله عاااد
ساروه: فكينى مافينى
خليفه: ليش عااده
ساروه: انته اخر واحد يرمس اوكيه
الكل انصدم من رده فعل ساروه محد يعرف ليش جذا قالت الا موزه وميره وحمدوه وناصر نزلوا راسهم و خليفه منبهر من رده فعلها ليش ساروه شو فيج وفجأة وقفت ساروه وسارت صوب سياره اخوها وركبت وقعدت اتصيح من القهر ..
وصل الوقت للى بيسيرون فيه بيتهم وكلن ركب سيارته ساييرين صوب بيوتهم .وخليفه وهو فى السياره بدت يتردد فى خياله كلمات الو مره يسمعها ((ليش متغير كلامك..هذا مو طبعك معاي انا احسك موطبيعي..انا احس في شي غريب انا اعرفك من عيونك..وانت تدري ياغلاي خل كلامك كله واضح..قبل لاشمسك تغيب حيل عذبني غموضك..وصارت اسرارك هواي ))
حمده انتبهت على اخوها انه فيه شى ..بسرعه اداركت كل شى و سالته شو في: خلووف حبيبى شو فيك
خليفه: ها لا ماشى ابد سلامتج
حمده: مب على انا انزين
خليف: شو مب عليج بعد
حمده: قولى شوفيك يالله
خليفه: اااااااااااااااااااه شو بقول والا بقول
حمده: ليش شوفيك
خليفه: اول مره اشوف ساروه جذا
حمده((تبتسم)):ليش اشفيها
خليفه: ما اعرف متغيره على بس
حمده: ماسالت نفسك ليش
خليفه : ليش انزين ((مهتم وايد))
حمده: خليفه ...((يرن تلفون خليفه))

خليفه: لحظه اشووى لا ترمسين
حمده: منو
خليفه((ياشرلها علشان تسكت)): هلا حياتى شحالج
حمدوه فتحت عيونها و هيه اطالع اخوها منو يرمس هذا : ايييييييييييييه منو هذى
لطيفه: رمست اهلك
خليفه: هيه نعم و ان شاءلله لاسبوع الياى بنسير عند كم
لطيفه: صدق و لله وافقوا ((ترفع ايدها وتحمد ربها))
خليفه: هيه نعم هذا للى نباه جداكم وصلج طال عمرج
لطيفه: حبيبى ما اصدق
خليفه: ليش عاد انا كد مره جذبت عليج
لطيفه: لا حياتى
خليفه: عيل اخليج يا ام سعيد الحين
لطيفه: خلاص برايك اكلمك بعدين
خليفه: ان شاء لله
لطيفه: مع السلامه
خليفه: لله يحفظج

حمدووه قعدت اطالع اخوها بنظرات غريبه هذا شوفيه : لا و لله
خليفه: شوفيج
حمدووه: منو هذى ؟؟؟!!
خليفه: حرمتى
حمدوه: عيب عليك تلعب ببنات الناس و لله
خليفه: بلاج انتى بعدين افهمج يالله انزلى

دخلت حمدوه و هيه معصبه على اخوها بالقو ومرت صوب الصاله وهيه حاطه فخاطرها منه ..ماتقدر تقوله شى لان اخوها الكبير وماتقدر تمنعه او تقوله عن سارووه ...بعد ما مر على السالفه اسبوع تقريبا الكل مستانس الا ساروه للى خايفه من اليوم للى بيسير يخطب خليفه فيه بس منو هذى البنت للى بيخطبها ساروه فى عالم من الاحزان و الدموع وحمدوووه ((الشيطانه )) بدت تفكر فى زايد بشكل غريب كل ماتشوف خالد اخوها اتذكرت زايد ...بالصدف كانت قاعده فى الحوش شافت سياره رنج سوده اول ماشافت السياره بسرعه ركضت صوب النخل وقعدت تراقب شافت زايد نازل بكل ثقه وبطلت عيونها لين اخر شى ...وتقول فخاطرها ياربى كيف حلو شو اسووى الحين سارت صوبه
حمده((ترتجف)): السلام عليك زايد
زايد: وعليج السلام حمده ((نزل عيونه تحت)) بس وين خالد
حمده: خالد على ما اظن فى غرفته بسير اناديه
زايد: ان شاء لله
حمده: تفضل يا تقعد فى البيت او فى الميلس
زايد: بترياه فى السياره
حمده: عنلاتك سير اقعد فى الميلس
زايد: والخيبه مب انثى هذى انتى من العصر الحجرى
حمده: لا و لله احلف انته بس ((تحط ايدها على خصرها))
زايد: مابحلف بس سيرى زقرى خلوود
طلعت ام خالد وشافت زايد : زايد فديتك ادخل
حمده: طالعوا انتوا تتفداك
زايد((يبتسم ويهمس وهو يمشى)): شو بدينا نغار

وقفت حمدووه و هيه اطالع زايد يمشى مع اخر همسه قالها حطت ايدها على قلبها ويوم شافته دخل بسرعه دخلت البيت وسارت صوب اخوها خالد خبرته ان زايد ولد عمته تحت ...دخلت غرفتها وقعدت اتشوف عمرها فى المراياه وهيه تتامل ويها البرئ و الصافى كان للى يميز حمده عيونها و شعرها الاسود الطويل تلبست التنوره البيج مع القميص كان روعه عليها ونزلت تحت عند خالد وزايد علشان تستقبل ابوها اول مادخلت الصاله شافت خليفه وناصر قاعدين الو مادخلت الكل التفت عليها
ام خالد: هابنتى وين دارج
حمدوه: هههههههههههههههههههههههههه
ام خالد: وابوى عليج خبله شو
خالد: امبونها بنتج خبله يعنى بس الحين
حمدوه: ليش تسب يعنى
ناصر: حمدووه سمعتى ذاك السودانى يوم يغنى على القناه السودانيه يشبهج
حمدوه: اماااااااااااااااااااااااايه
زايد: عاااد حد يشبها بسودانى حرام عليك ارحمه اخافه يعتزل
ام خالد: اشفيكم على اختكم
ناصر: اضطرابات معويه
خليفه: يالله اتجهزوا ترانى معرس
ام خالد: هيه ياولدى ذكرتنى كلمت ام البنيه خلاص بنسيرلهم يوم الخميس
خليفه: يالله فديتج عنى ما اخلى
خالد ((مستغرب)): ما اسرع ماردوا عليكم
ام خالد: هيه ياولدى بس نصيب
ناصر: بس مب لازم يشاورن البنت
حمدووه: اكيد ما بيشاورنها لان خليفه بن محمد بيخطب بنتهم
زايد: يالله الفال لكم ان شاء لله
ام خالد: امين يارب العالمين ((تلتفت على زايد)) اشحالها ساره
فز قلب خليفه حس بشى مب طبيعى فى قلبه وقعد ينتظر كلام زايد يريد يقوله ان ساره بخير ..
زايد: الحمدلله ياخالتى على كل حال بس ما اعرف شو مغيرنها
حمدوه: حليلها ((اطالع خليفه))\
ناصر: لله يكون فى عونها ان شاء لله
زايد: لله يخليكم ((وقف)) يالله بخليكم انا الحين و شد حيلك يابوسلطان
خليفه: طال عمرك لاتوصى حريص
خالد: مصدق عمره المعرس
ناصر: معرس ومن حقه هههههههههههههههههههه
خليفه: لايكون مب عايبنكم بس
ام خالد: عايبنا دخيلكم لا تفتحوله سالفه راسى يعورنى من حنته
زايد: افا عليج خالووه ..
خالد: ها وين بتسير اليوم
زايد: و لله مب مكان و انا اخوك
خالد: بخاويك لبيت يدى
زايد: ليش
خالد: ما ادرى
حمدوه: شو رايكم تودونى بيت خالتى ام زايد
ام خالد: هيه و لله صدقتى يابنتى اريد اروحلها ويه على غامضتنى ساره
ناصر: هيه و لله خلاص اوديكن انا

طلعت ام خالد و بنتها صوب بيت ام زايد و زايد و خليفه وخالد طلعوا المول وناصر سار يخاوى امه و اخته اول ماوصلوا ناصر كان يفكر بنظرات ساره حق خليفه للى امتلت عيونها دموع و هيه تودع اغلى شى فحياتها اول مادخلوا البيت سلم ناصر على عبدالله وفهد و عمته وقعدوا ..حمدوه قعدت تلتفت يمين شمال بس ماحصلت ساروه وفجأه سالت عمتها : عموووه وين ساروه
ام زايد: و لله يابنتى فى غرفتها صارلها اسبوع ماادرى اشفيها
حمدوه: بسير اشوفها
ام خالد:وين تبين ويدى
حمدوه بسير اشوفها
عبدالله: شو بتسوى زايد للى هو زايد للى مدلعنها اشكثر ماقدرلها
ناصر: خلها تحاول ((يطالع اختها كانه فهم شو للى فيها ساره))
حمده: برايكم

طلعت حمده صوب غرفه ساره اول ماوصلت دقت اول مره محد فتح دقت مره ثانيه سمعت صوت ساروه اتقول امنو
حمده: انا حمدووه فتحى

الا واشوى فتحت ساروه الباب وكان ويها شاحب مصفر من قله الاكل
حمدوه: حبيبتى ساروه شوفيج
ساروه : مافينى شى ((بخوف))
حمدوه((وقفت صوب المراياه)): هذا كله علشان خليفه
ساروه((اطالعها بنظرات ودموعها على خدها)): لا
حمدوه: لا تقولين لا ..لانى اعرفج عدل لا تحاولين تخبين على خبرينى صارحينى بكل للى فى خاطرج
سارووه((تصيح)): أنا ...................................
حمدوه: انتى شو قولى
ساروه قعدت اتصيح فى حظن حمدوه للى صاحت معاها وعرفت انها ما بتستحمل هذا الموقف الا و اشوى الخدامه تزقرها علشان امها تباها قعدت تحاول مع ساروه لين مانزلت تحت وياهم ..سلمت على حرمه خالها و قعدت صوب امها .
ام خالد: يالله يابنات اتزهبن خليفه بنخطبله هالخميس ان شاء لله
ام زايد: يالله بالبركه بس منو بنته
اهنيه رفعت ساروه راسها علشان تعرف منو هذى البنت من تكون
ام خالد: لطيفه بن سعيد بن سالم
ساروه: منوووووووووووو ((تصرخ))
عبدالله: سارووه شو فيج
حمدووه: خلاص سارووه
ساروه((تصيح)): خالوه لا توافقين دخيلج
ام خالد: ليش يابنتى تعرفينها البنت
حمدوه: خلاص ساروه تعالى
ام خالد: شوفيج حبيبتى ساروه
ساروه: هذى البنت ما تناسب خليفه ((تلتفت اطالع ناصر)) ناصر و لله ماتناسبه
ناصر((نزل راسه)):........................................... .
سارووه ركضت صوب غرفتها وهيه منصدمه خلاص الدنيا مب طايقتنها خلاص ماعد فيها تتحمل العذاب للى هيه فيه

:
:

شـوه رايـكم

 

الجزء الرابع

:
:

يوم الخميس بالنسبه لخليفه احلى يوم فى حياته وفى الطرف الثانى ساروه بتموت من كثر ما تصيح الكل استغرب حتى زايد للى اقرب واحد لها من اخوانه ماعرف شو يسوى طلعوا وقعدت ساروه بروحها فى البيت وهيه كل دقيقه تحس عمرها بتموت خلاص خليفه بيتزوج و انا بموت الدموع صارن شى عادى لها لازم الدموع تلمس خدها ...

بيت سعيد بن سالم الكل مرتبش على الخطبه و الملجه للى استعيل فيها كلهم مستانسين ولطيفه طبعا كانت جميله بس مب ذا الجمال للى ساره تدلع فيها ويزيدها غرور دخل خليفه بيت سعيد بن سالم مع عيال خالته و عمه ووصل الوقت للى بيشوف فيها لطيفه كلهم قعدوا ودارت عيون خليفه على الحريم و لطيفه قاعده عداله وقعد يدور بس يلمح طيفها التفت على عمته : عمووه وين ساروه
ام زايد: فى البيت
خليفه: ليش مايات معاكم

الا واشوى يرن تلفون زايد للى استغرب منو متصل من البيت لايكون ساروه
زايد: الووو
مارى((خدامتهم)): hello sir this is me marry please help me
زايد: اييه مارى شو صار
مارى: ms sara will die
زايد: this is not a good time for joking
مارى: please come
زايد: okay bye
ام زايد: اشفيك ياولدى
زايد: بسير البيت ساروه وايد تعبانه
حمدوه: ياربى عليها ((تلتفت على خليفه و تصيح )) انته السبب
خليفه((فتح عيونه)): انا
ناصر: خلاص انا افهمه اطلعوا انتوا خلاص
خليفه: بسير انا
لطيفه: بعده الوقت
خليفه: برااايج
طلعوا صوب بيت ام زايد وكلهم خايفين و خليفه وناصر لحقوهم بس ناصر قاله يوقف السياره علشان يقوله شى
خليفه: يالله قول اريد الحق عليهم
ناصر : تريد تعرف ليش ساروه مريضه
خليفه((باهتمام)): لييييييييييييييييييييش
ناصر: انته
خليفه: شوفيكم انا و انا شو السالفه
ناصر: ساروه تحبك ياخليفه
خليفه انصدم كان هذا اخر شى يتوقعه ساروووه تحبه وهو للى متاكد انها مستحيل تحبه فى يوم بس كيف و متى وبسرعه البرق بدون ماينتبه حق الاشارات طار خليفه بالسياره ويوم وصل بيتهم وهو يريد يوقف سوى صوت بالسياره وفتح الباب و دخل البيت وشاف زايد واقف يدق البيت بدون اى جواب ..
خليفه: انا بفتح الباب قوم
زايد: كيف
خليفه: شووف الحين
زايد: ان شاء لله

الكل قعد يطالعه وهم خايفين خليفه تقرب من الباب وحط اذنه على الباب وتنهد : سارررروووه
ساره من سمعت صوته فتحت عيونها و هيه تردد بينها و ين نفسها خليفه معقوله ما اصدق بس دموعها كالعاده كانن اقوى من انها تستجمع قوتها و تفتح الباب بس صرخت وللى خوف خليفه انه سمع صراخها و كسر الباب وسار صوبها و الكل دخل كانت الغرفه مظلمه وايد يوم فتحوا النور خليفه صدمه شكله ساره التعبان للى تحاول انها توقف او انها تقوم من مكانها تجمعت الدموع فى عينها ما استحمل الموقف طلع برع وصرخ صرخه ذنب ماقدر يستحمل ويردد بينه و بين نفسه : انا السبب اناااا الغبى
حمدوه: خليفه
خليفه: نعم
حمدوه: لطيفه تريد ترمسك
خليفه: قوليلها تنسى
حمدوه((باستغراب)): شوووووووووووو
خليفه: قوليلها مايباج وبس
حمدوه: و الخيبه تخيب العدو مستلبس شو
خليفه: شو بعد ما اريدها تخيلج حمدوه
حمدوه: انزين
حمدوه و هيه تدخل صوب الصاله كانت ترمس عمرها وماشافت للى جدامها واول مارفعت عيونها استحت نزلت راسها كان زايد : ها ماشفتينى و انا للى صاير جثه على قولتج
حمدوه: هههههههههه لا و لله كنت ارمس خليفه للى استلبس مره وحده
زايد((بنظره جمدت حمدوه)): ليش استلبس
حمدوه((فاجه حلجها)): هاااا .....شو ....
زايد: شوفيج ؟؟!!
حمدوه((مستحيه)): لا ماشى
ام زايد: زااايد
زايد: وووووووويه قوليلها انا برع عند خليفه
حمدوه: ها انزين
زايد: برايج
حمدوه:............ سرحانه ..............((اتشوفه وهو يطلع))
ام زايد وقفت ورى حمدووه و هيه سرحانه: حمدوووه
حمدوووه ولا على البال اطالع الباب للى طلع منه زايد...ام زايد هزتها هزه : حمدوووه وابويه عليج
حمدووه: شو عموووه ((نزلت راسها))
ام زايد: وين سرتى هااا من الصبح واجفه انا
حمدوه: سمحيلى عموووه كنت افكر بشى
ام زايد: هيه انزين امج تباج فوق ..بس يابنتى شفتى زايد وين راح
حمدوه: على ما اظن طلع عند خليفه برع
ام زايد: هزرج
حمدوه: انتى سيرى وشوفى لانى شفته يركض برع يوم شاف خليفه
ام زايد: لله يرضى عليج سيرى عند امج الحين
حمدوووه: ان شاء لله عموووه
حمدوه سارت صوب امها و تفكيرها كله فى زايد للى دخل قلبها من دون استئذان ((بينى وبينكم اصلا زايد ينحب من اول نظره )) وهيه تمشى وعيونها ادور على صور زايد من كان صغير لين ما اتخرج من الجامعه وحطت ايدها على قلبها الصغير للى يعرف يختار بس قعدت تفكر زايد يحس باللى احسه انا ؟؟ وقفت وقفه ثابته وسارت صوب امها وين قاعده لما دخلت حمدووه شافت سارووه وركضت صوبها و حظنتها وتحاول تهديها وكل شى بيصير تمام التفت حمدوه على امها : امااايه
ام خالد: خير يابنتى
حمدوه: اماايه ...... خليفه ((اطالع ساروه للى فتحت عيونها ))
ام خالد: شوفيه لايكون صار فيه شى
حمدوه: ههههههههههههههههه لالالالا
ام خالد((تضرب بنتها على جتفها)): عيل اشفيه
حمدووه: مايريد لطيفه بنت سعيد الهاملى
ام خالد: لا ولله يافضيحتى جدام العرب اكيد اخوج اتخبل
حمدوه: لا اماايه ولدج عقل ((اطالع ساروه بابتسامه تبشر بالامل ))
ام خالد : بسير اشووفه قعدى مع سارووه
حمدوه: برايج اماايه

بعد ما طلعت ام خالد من غرفه ساروه قفزت حمدوه عدال ساروه و تضحك وياها : شخبارج الحين
ساروه : ...........................((لفت راسها صوب الطوفه))
حمدوه: دبووووه ارمسج انا
ساروه: شو تبينى اقول يعنى
حمدوه: انتى لازم تكونين اول وحده تفرح مب انا
ساروه((باستغراب)): ليش انتى تفرحين
حمدوه انسدحت عدال ساروه: اصلا انا ما احبها لطيفه كانت دايم تتقرب منى علشان اخوويه مب علشان سواد عيونى وعاد ياليتها حلوه الواحد يقدر يطالعها جمالها عادى بس اخويه عيونه فيها حول
ساروه: لا تقولين جذا عنه
حمدوه((تصفق)): هههههههههههههههه محامى الدفاع بدى يشتغل بعد ما استجمع قواه
ساروه: بس بالله عليج
حمدوه: تعرفين امايه مستحيل ترفض طلب حق خليفه
ساروه: اشمعنى عندها خالد وناصر وانتى
حمدوه: ماماتى هذا اخر عنقود الاولاد
ساروه: لا و لله
حمدوه: على فكره انا اعرف انج تحبين خلووف
ساروه((وقلبها يدق بسرعه)): هاااااااااا من قال
حمدوه: ساروه افهمج انا و لله و اعرف ان حبج له حب صادق وتحبينه علشان نفسه خليفه وبس ماتحبين الماده ولا علشان ان عنده فلوس او ان ابوه من كثر فلوسه يتصدق بهن انتى مستحيل تنوجد وحده مثلج فى حياته
ساروه: بس حمدووه
حمدووه: لا بس ولا شى للى يبا الصلاه ماتفوته صح والا انا غلطانه
ساروه: هيه صح
حمدوه: يالله قومى خذيلج حمام يهدى بالج وانزلى تحت فاهمه
ساروه: مابنزل تحت اخاف ((تنزل راسها))
حمدوه: يالله عن الدلع تحركى ..
ساروه: انزين

طلعت حمدوه من غرفه ساروه نزلت تحت سمعت خليفه يغلس على امه ويرمس وهو يقلد صوتها وقعدت تضحك عليه وهيه نازله من على الدرى شافت نظرات زايد للى قعد يطالعها وهيه تنزل و يبتسم ابتسامه تاخذ عقل العاقل و المينون وصلت الصاله وقعدت صوب امها ..
زايد: اذا جذا العرس بيسوى مابنعرس
ام زايد: انته خبرنى ليش غيرت رايك هااا خلوف
خليفه: بس ما اباهاا لاعت جبدى يوم شفتها
عبدالله: ههههههههههههههههههههههه ضحكتنى و لله هذا مب سبب
فهد: بنشوفك عاد انته شو بتسوى يوم بتاخذ حرمتك
عبدالله: طال عمرك انا مابشوف حرمتى الايوم العرس يعنى يوم بتكون فى بيتنا هذيج الساعه يصير خير
خالد: رياال و لله انك ريال تعلم ويا هالويه ((يطالع خليفه))
خليفه: ممكن دروس خص...................................((سكت وهو فاتح حلجه))
كانت ساروه نازله مثل الاميرات للون الوردى كان روعه عليها رغم التعب بس كانت جميله بمعنى الكلمه شعرها الاسود كان امبين من تحت الشيله للى لا بستنها ..تنورتها كانت سوده مطرز بشكل روعه بخيوط ورديه و البلوزه للى لابستنها كانت بلوزه برقبه ورديه ..اول ماوصلت خليفه قعد امبحلق فيها وناصر يطالع اخته ويعلن علامات النصر ..زايد مب مستغرب لانه يعرف ان اخته حلوه وايد .قعدت ساروه عدال امها للى خافت عليها
ام زايد: اوديج عند الدختور يابنتى
ساروه((بصوت خافت)): لا اماايه
ناصر: خليفه عطنى الكوب للى جدامك ((خليفه فى مكان ثانى ))
فهد: ههههههههههه خلوووووووووووووف
خليفه: ...............................((سرحان))
زايد: اشفيه هههههههههههههههههه ((تقرب من خليفه)) خلوووف
خليفه: اعوذ بالله من الشيطان ياربى تعرف انك تخوفنى
عبدالله: من الصبح يزقرونك
خليفه: محد زقرنى
حمدوه: هههههههههههههههه للى ماخذ بالك يتهنابه ((اطالع خليفه وساروه))
ام خالد: عنلاتج دواج عند خالد
حمدوه: وانا اشقلت هااا ((حطت ايدها على خصرها ))
عبدالله ((يقلدها)): ماقلتى شى
ناصر: هههههههههههههههههههههه حمدووووه
حمدوه: ها شو عندك
ام خالد: انا اريد اعرف انتى بنت والا ولد
حمدوه: انا حمده بنت محمد
زايد: خالتى شوفيج حرام مب زين لها ((يرفع حياته حق حمدوه للى صخت من سمعته يرمس ))
ام خالد: فالك طيب ياولدى بس انا ما بفتك منها الا يوم ريلها ياخذها
زايد: وانشوف عيالها
ام زايد: وانا متى بشوفك معرس
زايد: ردينا على السالفه للى ما احبها
ناصر: عمووه خليه براحته مب زين تحنين
ام زايد: ياولدى ..((قطع رمستهم خالد))
خالد: هيه عموه من صدقه ناصر مب زين الحنه ((يلتفت شاف ساروه)) ووووووويه سارووه اميره العايله كلها شحالج جولييت
ساروه: بخير ربى يسلمك
خالد: تصدقين صوتج عسل يقطر
زايد: اييييه بلاك اختى هذى
خالد: هههههههههههه انزين ماقلنا شى ((التفت على خليفه)) ها خلوف سمعنا انك كنسلت كل شى
خليفه : هيه احسن جذا اصلا انا ما اريدها فهموا عاد
ناصر: فهمنا و لله فهمنا
ام زايد: اشفيكم ترمسون وانا ما افهم
خليفه: ههههههههههههههه عمووووه ترى الارسال عندج ضعيف
ام زايد: انا عندى ارساال
ام خالد: لا يكون انا بعد عندى ارسال ضعيف بسير اكشف
خالد: لله يخسك ان شاء لله هههههههههههههههههههه
زايد: لا اماايه ههههههههههههههه الارسال بس فى التلفون انتى موبايل
ام زايد: عنلاتك ياخلوف تضحك على
خليفه: لالالالالالالالالالالالالالا هههههههههههههههههههههههه احبج و لله
ام خالد: ياويلى منه انا
خالد: اماايه مب جانج نسيتى ابويه فى البيت
ام خالد: ياربى نسيته
ناصر: هههههههههههههههههههههههههههه حلوه هذى
ام زايد: لله يعينج على عيالج
ام خالد: لله يعينج انتى بعد ياوخيتى

الكل قعد يضحك عليهم بس الشخص الوحيد للى ما ابتسم ساروه للى كانت اطالع خليفه بكل حب و حنان و بنظرات شوق ولهفه نظراتها بدت تراقب كل حركه من حركاته وخليفه كان حاس بهذا الشى بعد ماطلعوا كلهم رجع ايب مفتاح سيارته وشاف ان ساروه قاعده مكانها تفكر فى مكان بعيد تقرب منها واشر بايده على ويها : ساروووه
ساروه : هاااااااااااااا ((فتحت عيونها يوم شافته))
خليفه: وين رحتى ((يبتسم))
ساروه: لا ماشى ((كانت تريد توقف بس ايد خليفه كانت اسرع ))
خليفه: قعدى بقولج شى
ساروه((نزلت راسها)): شو
خليفه: ليش ماصارحتينى ..وخليتينى ابنى اوهاااام وقصور وهو ماله داعى
ساروه: ما اعرف
خليفه: انته تفهمين شو قصدى بقولج شى قبل لا اسير لا تنسن انى موجود ((ياشر على قلبها)) اهنيه فى قلبج و انتى فى قلبى مع السلامه ((حب راسها وطلع))
ساروه قعدت اطالعه لين ماطلع من باب الصاله ياناس اول مره احس مثب هالشعور ناس تحب و تموت من الحب وناس يحبون بس يفترقون رغم الحب وناس يتمسكون فى للى يحبونه لين مايلاقونه ساروه صارت اسعد انسانه خاصه فى هذى لليله ..
سارووه ماقدرت تنام لان الموقف للى صار لها مستحيل اتصدقه خليفه يرجعلها وياشر على قلبه انها بتكون موجوده فيه للابد ..قاعده فى غرفتها الساعه 8 الصبح وتفكيرها كان كله فى خليفه ااه لو تدرى عن حبى للى فى قلبى وانقطع حبل افكارها عبدالله للى مب مصدق على لله انه واعى من الصبح زيدق على باب غرفه سويره
عبدالله: سااااااااااااروووووووووووووووه فتحى يالدبه
ساروه: اشفيه هذا صبر بفتح انزين
عبدالله: بسرعه عاااد
ساروه((فتحت الباب)): شوفيك عبووود
عبدالله: شحالج شخبارج اليوم هيه صح يوم الخميس بنسير البر بنقعد ثلاث ايام العايله كلها بتسير
ساروه ((بفرح)): شو اليوم عبوود
عبدالله: الاربعاااااااااااااااااااااااااااااااااااااااااااا اااااااااااااء
ساروه((بحزن)): يالجذاب ...جذاب عينى عينك بعد يالله برايك
عبدالله: ههههههههههههههههههه لا و لله صدق بنسير الخميس هذا البر العايله كلها بتتجمع
ساروه: اليوم السبت وااااااااااااايد باقى
عبدالله: شو يعنى يا سلام بسير اجهز دراجات الشباب عااد تعرفينا نحن
ساروه: ههههههههههههههههههه انزين سير بالله عليك مافينى عليك
عبدالله: يالله مابتنزلين تتريقين
ساروه: زاايد تحت
عبدالله: لا طلع عنده شغل
ساروه: منو تحت
عبدالله: ييييييييييييييييه يااه بدينا التحقيق تبين تنزلين يالله ماتبين برايج

الا و اشوى فهد كان طالع من غرفته
فهد: السلام عليكم
ساروه+عبدالله: و عليكم السلام و الرحمه
فهد (يصد على ساروه)): ها الغاليه شحالج اليوم
ساروه: بخير و الحمدلله
عبدالله: جيه انا ولد البطه السوده و الا لاقطين من صدوق طماااااااااط
ساروه: الاختيار الثانى
فهد: ممكن اتصل بصديق
عبدالله: هيه اطنزوا على انته يالله ننزل
ساروه: انزلوا انتوا بلبس و بنزل
فهد: يالله نترياج
عبدالله: يالله بسبقكم
نزلوا فهد و عبدالله يتريقون مع امهم للى من الصبح واعيه علشان زايد للى عنده شغله ضروريه لازم يخلصها اليوم و ما يقدر ياجلها ..لان هو البجر و اكبر واحد من اخوانه ويدير ورث ابوه للى كان عباره عن محلات تجاريه الى عقارات و سنترات و مولات و من غير العمارات و غيره و غيره
الكل كان يشهد حق زايد بحسنه السيره و السلوك على الرغم من الجمال ونظرته للى تبين انه خقاق بس هو عكس ..فى السياره زايد قاعد جدام مبنى البلديه يريد يشترى ارض و يبنى عليها وقاعد يجهز باوراقه علشان يدخل ..يوم نزل من السياره شاف وحده وقفت جدام بالظبط مايفرقها عن زايد غير خطوه او خطوتين
البنت: السلام عليكم
زايد: و عليج السلام اى خدمه اختى
ندى: لا الغالى ((وافده ترمس مواطن))
زايد: عيل ليش واقفه فى طريجى
ندى: بصراحه عيبتنى و اتمنى اكون ربيعتك اذا انته محد شاغلك
زايد: سمعى يابنت الناس انا مب راعى هذى السوالف و لا لى دخل فى كل هذا اذا انتى تبين حد يسير وياج ويسهر وياج فالسموحه دورى غيرى
ندى: انته بعدين دخلت خاطرى و انا من اريد الشى اخذه
زايد: نعم ماسمعتج عدل ممكن تعيدين شو قلتى
ندى: كلام الملوك لا يعاد
زايد: اسمعى انا محترمنج لانج بنيه مب علشان شى و لله ترانى انا ما انزل راسى بناس شراتج
ندى: افهم من كلامك