وهذي الشخصيات ويعتبر هذا الجزء الاول
يانـــــــاس احبــــــــه ياعذابــــــــي بليــــــــاه"

بندخل في اصل شخصيات القصه وكيف هو نمط حياتهم في البدايه..
ام راشد:حرمه كبيره بالسن بس فنانه لابعد درجه..وتتفهم..وراعية تلفزيون وحفلات..
عندها 3 اولاد وبنت..
عايشه بالخبر بالبيت الكبير بعد ماتوفى زوجها الله يرحمه..وساكن معاها ولدها الكبير..
اما ولدينها الباقين كل واحد ساكن ببيت لحاله بس بالخبر..وبنفس الحاره..اما بنتها فساكنه بالدمام..
وحالتهم الماديه مره كويسه.."يعني اغنياء"..ولهم شاليه خاص كبير وعندهم يوم الخميس الغدا الكل
يجتمع عند بيت ام راشد ويوم الجمعه بعد الصلاة يجتمعون الرجال بس..
.....
راشد:الولد الكبير لام راشد وهو صاحب الحلال..وعنده 3اولاد..وبنتين..
1/سعد..متزوج من لبنى..وعنده شوق وراشد..ويشتغل بالمصنع مع عمه..
2/غاده..متزوجه ولها بنت وهي سميه والحين غاده حامل وبالشهر الخامس..
3/فهد..بجامعة البترول..
4/ساره..بجامعة فيصل..
5/عبدالله..اخر ترم لثالث ثانوي..
.....
خالد:الولد الثاني لام راشد ومتزوج وله 3 اولاد وبنت..ونفس الشي ماسك الحلال بس بشركه ثانيه..
1/محمد..متملك من منى ..
2/سلمان..بجامعة البترول..
3/عبدالعزيز..بثالث ثانوي..
4/لمى..ثاني ثانوي..
.....
ماجد:الولد الثالث لام راشد ومتزوج وله ولدين و4بنات..وهو ماسك مصنع العايله..
1/فيصل..يحضر للماجستير في الخارج..
2/عبير..متزوجه من ناصر..وعندها ولد واحد واسمه ضاري..وهي قريب بتولد..
3/ريم..بجامعة فيصل..
4/بندر..ثالث ثانوي..
5/بلسم..ثاني ثانوي..
6/منيره..ثالث متوسط..
.....
فاطمه:البنت الوحيده لام راشد ومتوفي زوجها مع امه وابوه في حادث وعندها ولد وبنت وهم فواز ولولوه
وساكن معاها اخو زوجها حمد اللي هو كبر فواز ولدها وربتهم هي واخت زوجها دانه وهي مع لولو بالمدرسه..
.....
الحين بشرح شخصية كل واحد من العايله..وببدأ في الرجال والاولاد..
راشد..ولد ام راشد..واكبر واحد في العايله..حنون وماتهمه الفلوس اهم شي عنده راحه اهله وعياله وعيال
خوانه واخته..وبار بامه..
خالد.. اخو راشد.. صبور ..بس اغلب حياته شغل وقراية كتب وهو مستشار العايله..
ماجد..اخو راشد وخالد.. طيب وعلى نياته وانسان دايم يوقف بصف الحريم اللي باهله ويفزع لهم..وكريم..
فاطمه..اخت الثلاثه..بس ايمانها قوي ..صبوره وطموحه واحسن مافيها متحرره بس بحدود..عانة كثير بوفاة
زوجها واهله..بس قدرت تربي عياله على اكمل وجه وهي مسكت حلال زوجها وكل المشاريع وكلت فيهم
محمد ولد اخوها خالد..وكانت قريبه من كل العايله سواء كبار وصغار..وماشاء الله عليها تدبر بلد..بس كلمتها
ماشيه ومن النوع المرح..وراح تحبونها بالقصه وتقريبا هي بطلة القصه..
.....
سعد,,ولد راشد,,ومحمد,,ولد خالد,,نفس الطينه من يوم هم اطفال وهم نفس الشي اصدقاء من النوع اللي
يحبون الشغل ومايغبون على بعض اي شي..سواء بالشغل او غيره..ويساعدون اعمامهم بالحلال..
فيصل..انسان طيب وعنيد..طموح..ينحب..مرح..ي نشد فيه الظهر..
فهد.و.سلمان.. علاقتهم قويه مع بعض..يصبحون ويمسون مع بعض..بس يختلفون بالشخصيه..
فهد عصبي بس حنون..رزين وثقل..بس حبوووب..اما سلمان..مرح ياخذ الدنيا ببساطه..يشبك مع كل الناس
قلبه ابيض ونظيف..بس زعله شين..
عبدالله..بندر..عبدالعزيز. .الثلاثي الطائش بالعائله..ماهمهم من الدنيا غير الونااسه..كلهم بادرين..مفهين..
بس مايتحملون المسؤوليه..بس على قولتهم يكبرون ويعقلون ومستانسين انه اخر ترم ويخلصون من المدرسه..
راشد ولد سعد..يعشق النت بشكل فظييع..اي احد يبغى بحث يلجأ له..خبل..ومرجوج..وهو باول ثانوي..
وهو وشوق اخته توأم..
ضاري..ولد عبير..خفيف دم ورهيب..وراعي بنات..بس تراه عاقل..يعني بحدود..ويحب يتحرش بالبنات
فواز وعمه حمد..نفس الشي ويتشاهبون شكلا وشخصا..يعني يروحون الجامعه مع بعض..ويروحون لشركتهم
مع بعض لانه خلاص قريب ويستلمون شغلهم ومحمد ولد خال فواز ما قصر ربى هالحلال بعد الله ثم فاطمه..
كريمين وصاحبا عقل فولاذيه من ناحية اتخاذ القرارات العامه والخاصه..والكل يحبهم واذا عندك مشكله
لاتتردد يقدرون يحلونها..واعز اصحابهم..راكان وهو يصير اخو فواز من الرضاعه..لان امه وام فواز صديقات
من الروضه..وتعبت ام راكان فرضعته ام فواز والى الحين علاقتهم قويه الامهات الله يخليهم لبعض..ولايفرق
بين غالي وغالي..
......
عبير..انساانه مرجوجه مع انه لها ولد كبير وهي حامل بعد تكرار المحاولات بس ربي 16 سنه حرمهم
والحين حملت والكل خايف عليها..وهي الحين عند اهلها لانها بالشهر الثامن..واقرب وحده لها اختها منيره.
غاده..صعب الواحد يعرف اللي في بالها وهي اذا صممت على شي جابته بس عموما طيبه يعني اللي يخلي
الواحد يتعامل معاها طيبتها بس قوية شخصيه..
ريم..خجوله ومرحه بس غيوووره وعلى نياتها بس احيانا تفهم الشي غلط..
ساره..فرفوشه ورايقه وصعب تنرفزينها عاقله وثقيله..ولبقه..
دانه..اخت زوج العمه فاطمه..عنيده وبارده وحبوبه وعليها افكار خربووطيه..بس تعتبر طفله..
لمى..دلووعه ودافوره ((شاطره)) واغلب اوقاتها مع صديقاتها بس علاقتها باهلها حلوه واهم شي عندها لبسها
بلسم..حنانه وخبله وعليها طلعات جهنميه ((مزاجيه)) تمووت في السوق وتحب الشعر بس تدخل القلب على
طول..
لولوه..شخصيه قويه..حساسه..عصبيه.. بس يقولك العصبي حنون..وهي الحنان قوي عندها..بس اذا كرهت
الشخص صعب تقتنع فيه..بس اذا حبت ماتعرف تعبر عن حبها الا بالافعال..
شوق..هاديه لها مستقبل بعلم النفس..بس الواحد ينبسط معاها..وتحب تقرا لاي نوع من الكتب..وسياسيه..
منيره..اعند وحده بالعايله..((عنيده درجه اولى))..مبذره..بس توقف مع الانسان بوقت الشده وقفه عدله..
خاصة مع المواقف المحرجه للبنات..لانها هي تدبرها..وماشاء الله عليها عقلها يدبر بلد..صريحه..
وفا..بنت عمرها 4 سنوات بس عليها جمال ماشاء الله..وتحب لولوه لان لولو تحب الاطفال وهي مره معاها



--------------------------------------------------------------------------------


الجزء الاول..
يوم الخميس..من اول اسبوع للدراسه بالفصل الثاني..
اللي يدرسون شايلين هم 4 شهور بدون عطله..والثلاثي الطائش مكيفين على اساس انه خلاص اخر شي لهم
بمدرسه..
المهم.. لولوه كانت بغرفتها توها قايمه من النوم الساعه 9:30 وراحت تفطر..
لولو وهي تبوس امها:صباح الخير..
فاطمه:صباح النور..كيف اصبحتي؟
لولو:الحمدلله..اقول ماقامت دانه؟!!
دانه:صباح الخير..
لولو:هلا صباح النور..
فاطمه:صباحك عسل..
دانه:صباحك سكر..هاهاها..كيفك يامي..
فاطمه:الحمدلله..
وجلسوا يفطرون ويسولفون..ودخل حمد..السلام عليكم..
الكل:وعليكم السلام..
حمد:وين الفطور..
لولو:عمي اصبحنا واصبح الملك لله اصبر شوي ..
دخل فواز..السلااااام ابي جبن وحليب شاهي..
دانه:عليكم السلام وش فيكم انتم.؟!
فواز:حمود قم جب لي فططوري..
حمد:يمه نبي فطور..
فاطمه :انشاء الله..
قامت تجيب فطور ولولو وراها وهي تناقز بالطريق..
حمد وهو يصارخ:لولو اعقلي..
دانه:وش فيك؟
فواز:لا ماعليك بس امس معصب على واحد من الشباب..
دانه:لولو جيبي معاك الورقه اللي معلقتها على الثلاجه..
لولو وهي بالطريق وتصفق: يس يس دندوونه بتجي مي اليوم لي..
دانه:ياحليلكم ماتزهقون من بعض..
لولو:هه اللي يسمعك الحين بتكلمين ليلى تجيك..
دانه: والله فكره خلااص وش رايك اليوم نخليهم يجون ونروح نتغدى برى..
لولو:فنانه..خلاص انا بدق عليها..
حمد:وخلاص قررتوا..
دانه:ايوه ليش بغيت تضيف قرارات..
حمد:لا..وطول صوت التلفزيون..
فواز:ايوه يمه اخر اخبارك.؟!
فاطمه:والله الحمدلله..
فواز:يمه ماراح تروحين لبيت امي شيخه "ام راشد"..
فاطمه:الا ان شاء الله ليش؟
فواز:مادري بس لولو ودانه بيعزمون صديقاتهم..
فاطمه:خلهم يجيبون اليوم البنات كلهم..انا بقول لامي..
حمد سكر التلفزيون وقام وقعد قدام زوجة اخوه اللي يسميها امه لانه ربته..
يمه وش رايك ناخذ امي شيخه ونوديها للكورنيش اليوم العصر..
فاطمه:والله فكره بس نسالها ونشوف انشاء الله..
.....
لولو:اقول عمتي..
دانه:هلا..
لولو:مانبي احد زياده نبي نقعد لحالنا..
دانه:اوكي بس لو قالت امي شيخه ليش ماراح يجون..وبنات خوالك؟
لولو:عادي مو لازم نروح..واذا بنات خوالي يبون يجون يدقون علي..
دانه:توك قايله ماتبغين احد..
لولو:عادي بقولهم بيجون صديقاتنا..
دانه:دامها خاربه خاربه..ليش مانعزم الشله..
لولو:لا دنووو شوفي انتي تجيبين the best friend حقتك وانا اجيب حقتي وبس..
دانه:طيب بس بشرط..
لولو:اشرطي..
دانه:تسوين حلى جلكسي..
لولو:اممممممممممم طيب بسوي بس نبغى الاغراض..
دانه:خلاص انا بقول لليلى تجيب واذا ماقدرت انتي قولي حق مي تجيب لك..
لولو:اوكي..
.....
مر اليوم عادي..وانبسطوا البنات..ومر اسبوع والاجواء هاديه..بس الين ماوصل يوم الخميس اللي بعده..
كانوا كل العايله مجتمعين عشان يتغدون..
بسلم:لموو بلييز روحي ودي السلطه..
لمى وهي تاكل:لا لا ما ابغى اروح عند الرجال..قولي لمنور اختك..
بلسم وهي تصرخ:منووووووووووور منووووووور..
منيره:نعم نعم..
بلسم:تكفين منور ودي السلطه للرجال..
منيره:هاتيها.. وراحت
دخلت عليهم ساره:بنات وين دانه ولولو؟ ماجوا؟
وفجأه يسمعون صوت كولولولوليييييييييييييييي يش..
طلعوا من المطبخ يشوفون وش السالفه..
كل الحريم مجتمعين يباركون لريم انخطبت..
منيره:هههههههههههههههاااا اااي انا قلت لك شكلها مخطوبه ماسمعتي كلامي..
بلسم وهي تقرصها:اص اص بعدين مو قدام الحريم يكفي مسوين لريم احراجات..
وسلموا عليها والكل مبسوط من هالخبر..
في الصاله..
شيخه:فهد بذبحك وخر عن التلفزيون..
سلمان وهو ميت من الضحك:وخر وخر لاتقوم عليك..
فهد:ههههههههههههههههههه يمه هدي بس خلاص زهقنا خليني احط لك بس ميلودي((محطة اغاني))
شيخه:طيب حط..بس اذا ماعجبني بتطلع برا المجلس..
فهد:ههههههههههههههههههههه ه طيب انتي هدي..
شيخه:وجععععع ياولد..ياسلمان طلع فهد برا بسرعه بسرررررررررعه..
فهد وسلمان:هههههههههههههههههه ههههههههههههههههههههههههه هههههههه
سعد:عيب ياعيال خلاص اطلعوا..
عبدالله:والله عيال اخر زمن..
سعد:اسكت الله يخليك قبل لا يجيك الدور..
وطلعوا سلمان وفهد يتمشون..وخلاص شيخه نامت وراشد وخالد وماجد وزوجاتهم راحوا..يعني كلن تفرق
فاطمه:اقول دانه ماتبين نروح للراشد ناخذ لك اغراض اللي تحتاجينها..
دانه:الا والله بس بنروح مع السواق والا مع فواز او حمد؟!
فاطمه:نشوفهم اول..
وخلاص طلعوا فاطمه ودانه وحمد للراشد..ولولو جلست مع بنات خوالها..
.....
بندر:وين مشاورينا اليوم..
عبدالله:والله انا اقترح نروح البحرين..
بندر:والله حركه بس لحالنا؟
عبدالعزيز:وليش ماناخذ البنات حرام والله تلقاهم بينبسطون..
عبدالله:بروح اشوفهم..
بندر:خلاص خلونا كلنا ندخل..
ودخلوا للصاله..
بندر وعبدالعزيز وعبدالله:السلااااام عليكم..
البنات:وعليكم السلام..
عبدالعزيز:لحد يقوووم مايحتاااج..
منيره:وي عشتو وليش انشاء الله..
بندر:منور هو يتميلح ليش ماتسفطينه ولاتحرقين اعصابك..
عبدالعزيز:وانا قايل بنونسهم وهذي وش طول لسانها وبعدين انا احسبك بتهاوشها بس عاذرها طالعه عليك..
عبير:خخخخخخخخخخ وش اخباركم يالحلوين.؟؟
عبدالله:نسأل عنك..
بندر:احنا ماراح نطول بس مقترحين اقتراح..
بسلم:الا وهو.....
عبدالله:بنوديكم البحرين ندخل سينما ونتعشى ونرجع على حدود 11
لمى:واااااااااااااااااااا اااااااااااااو ليتس قوو قيرلز..
ساره:وناااسه متى نرووح؟
عبير:لالا مافيه لاتروحون وانا اقعد مع مين؟!
ريم:اقعدي مع امك وجدتك بعد مع مين..
عبدالعزيز:احم احم تراه قراري يعني اشكروا ربكم صباح وليل ان عندكم ولد عم مثلي..
منيره:اشتغلت الاسطوانه..يابابا لاتخق علينا خلاص مشكور..
عبدالعزيز:بندر تفاهم مع اختك لاتطااااااااق..
منيره وهي تقلب مصري:ايوه ياخوياااا قول تااني..
عبدالعزيز:محدش بيطيقك وعن النشبه..
منيره:بكره تقول ياليتني ماقلت كذا ياليت الزمن يرجع ورا اااه وينك يابنت خالي..مايقدرك الا اللي يعرفك
لولو:ههههههههههههههههه ترد عليك بالعشره..خلاص خلاص لاتركبون بنفس السياره..
عبدالله:لولو انتي تركبين معاااي..
لولو:حلو..
ساره:عبوودي واانا..وليش لولو بالذات؟؟
عبدالله:عشان انا ولولو نفس ذوق الاغاني..وانتي اذا ماشالتك الارض تشيلك عيوني..
منيره:احم احم نحن هنا..
عبدالله:عاد منيره راس المال..
لمى:نااااس تتهنى وناااس تتمنى..
عبدالله:ولا زعل لموو تعالي معااي..
شوق ساكته..
عبدالله:افا والله بنت اخوي..وش عندك ماتبين تجين معاي..
شوق:عادي عمو ماتفرق معاي..
عبدالعزيز:لا شوفوا بنروح بالجمس واذا مايكفيكم نروح بجمس ثانيه.. المهم ننبسط..
بندر:انا بروح اجهز السيارات وعزوز روح مع لمى وريم عشان تجيبون الجوازات وعبود خذ لولو وجيب
جوازها وخذ معاك شوق عشان تجيب لنا شي للطريق وسارونه انتي جهزي جوازاتكم يله تحركوا..
تجهز الكل وراحوا للبحرين..
.....
لولو :الو اهلين..اقوول وين امي؟
دانه:هلا لحظه..
فاطمه:هلا والله..
لولو:هلا يمه اقوولك عبود وعزوز وبندر بيودنا للبحرين معليش اروح؟
فاطمه:ايه حبيبتي وبتلقين الجوازات بغرفتي بالدرج الثالث اللي على اليسار..
لولو:طيب ثانكس عطيني دانه..
دانه:هلا..
لولو:اقولك تبين تجين البحرين نمرك؟
دانه:ايه لحظه..
دانه وهي تكلم امها:يمه بروح عادي تقعدين مع حمد وفواز؟
فاطمه:ايه عادي يامي روحي..
دانه وهي تكلم لولو:خلاص مرووني..
لولو:طيب بايو..
لولو كانت بالسياره مع شوق وعبدالله بالطريق رايحين يجيبون جوازات..
لولو:عبدالله..
عبدالله:نعم..
لولو:عادي تمر على الدانه بالراشد..
عبدالله:طيب بس لما ننزل بيتكم ابغاك تسرعين يالله يالله يمدينا..
لولو:اوكيك..
ونزلت لولو ومروا دانه ورجعوا لبيت عمهم راشد..
الكل مجتمعين ولحظه ودخل عليهم سلمان وفهد ومعاهم ضاري..والبنات بالسيارات..
وخلاص ضاري وفهد وسلمان بيروحون مع بعض..
لولولو ولمى وبلسم ودانه وعبدالله وضاري وفهد وسلمان بسياره..
وساره وريم ومنيره وشوق وبندر وعبدالعزيز وراشد بسياره..
وحركوا العايله الكريمه..
.....
سعد ولبنى وعبير وراشد كانوا جالسين عند امهم شيخه..
شيخه:ها عبير وش اخبار الحمل معك؟
عبير:الحمدلله والله هانت..
سعد:الله يهون عليك..
عبير:امين..
راشد:لبنى بنيتي تقطعين لي كيكه..
لبنى:انشاء الله عمي..
شيخه:سعد اتصل على محمد شف وينه فيه ماجاني اليوم الله يصلحه..
سعد:انشاء الله..
عبير هنا حست بغصه انه بيجي محمد..قالت:لبنى تعالي بوريك اشياء عمتي فاطمه شرتهم للبيبي..
لبنى عرفت انها تصرف عشان ماتشوف محمد لأنها شافت وجهها بس كملت معاها التمثيليه وراحوا..
لبنى:حبيبتي عبوره وش فيك؟
عبير وهي تبتسم:مافيني شي بس..
لبنى:تراني والله زي اختك واذا في خاطرك شي قولي لي بالعكس راح ترتاحين..
عبير:والله ما ادري وش اقولك..
لبنى:محمد يحبك؟!
عبير:السالفه انه كان يحبني بس بيني وبينه اشهر وغير كذا انا انخطبت من بدري كيف وقامت تبكي..
لبنى وهي ماهي عارفه كيف تهديها راحت جابت لها مويه وقالت:حبيبتي كل واحد له ماضي وخلاص
الماضي ماتقدرين ترجعينه..
عبير قامت وضمت لبنى وتبكي..قامت لبنى ودخلتها لصالة الجده شيخه عشان محد يحس..
وقالت عبير:كان يقولي مافيه احد بيسعدك اكثر مني وما ادري ايش..وبعدين انا يوم جتني مشكله في
الانجاب..قام يرسلي مسجات ويقول شفتي لو انا زوجك كان ماجتك المشكله ويتشمت..حيوان وزادت بكاها
لبنى:هذا واحد مايستاهل دمعه من دموعك ليش تتعبين حالك..وبعدين انتي مرتاحه مع زوجك ؟
عبير:كثير كثير الحمدلله..
لبنى:شوفي حبيبتي انا عندي نفس مشكلتك جبت راشد وشوق بعمليه وبعدها خلاص ماقدرت..وهي تحاول
تمسك نفسها..بس ربي رزقني بسعد ومرتاحه من عايلتكم والحمدلله لاعندي ام زوج ماترحم بالعكس
خالتي ماتقصر صراحه واتوقع انتي نفس الشي..ليش تخلين واحد زي محمد يهزك الحين ابغاك تمسحين
دموعك وتروحين للصاله وبالعكس خليك عادي وخاصة انه خلاص هو متملك وبعد زوجته حلوه..
عبير ماوقفت من البكى..لبنى:انتي تحبينه؟!
عبير:لا عمري ماحبيت زي ماحبيت ناصر..بس صار بيننا سوء تفاهم على محمد تخيلي تخيلي القهر..
لبنى:طيب ناصر فهم عليك صح؟
عبير:ايه الحمدلله..بس انا دايم اتهرب من محمد ما ابغى يصير شي جديد يهدد حياتي بعد..
لبنى:ياشيخه الولد خلاص اكيد عقل وخاصه انه مع وحده ثانيه ماعليك منه وبعدين انتي حامل خليه يعرف
كيف يتشمت في الناس ماتدرين يمكن ربي يحرمه..الله لايقوله..
عبير من غير نفس:امين..
وقامت لبنى وضمت عبير وحضنتها وقاموا..
شيخه:اقول عبير بيجي ضاري اليوم؟
عبير:والله يمه جاء وانتي نايمه وراح مع المهبل للبحرين..
شيخه:الله يحفظهم..
دخل محمد عليهم:السلااام علييييكم..
الكل:وعليكم السلام
شيخه:هلا والله بوليدي وينك فيه ليش ماتغديت عندنا..
محمد:يمه والله مضغوط من الشغل..
محمد وهو يناظر مين اللي جالس ويقول:حيالله عمي..
راشد:الله يحييك ياولدي..
محمد:كيفك ياسعد؟
سعد:الحمدلله..
محمد:اووه عبير هنا كيفك؟
عبير:الحمدلله..
لبنى:اخبار منى يامحمد؟
محمد من غير نفس:الحمدلله..
محمد:كيف الحمل معاك وكيف ناصر؟
عبير ببروود:الحمدلله ناصر طيب ومايشكي باس والحمل هانت مابقى شي ويشرف ولي العهد..
محمد وهو منقهر:ولي العهد!! ولد..
عبير وهي ترد على جوالها:اهلييين وسهلييين..وقامت من مكانها..
سعد ولنبى مستغربين..بس ماعلقوا..
شيخه:وهي تهمس في اذن محمد :لاتتحرش بالبنت يامحمد خلك في حالك..
محمد:ماتحرشت يمه عادي..
شيخه:اقوول وش اخبار منى؟
محمد:تسلم عليك..
وجلسوا يتكلمون عن الشغل..
في السياره..
سلمااان طااااير من الفرحه بشكل..وهو يتكلم بحب:بلسم جوالك معمم ((دولي))؟!
بلسم:ايوه!!
والكل قام يطالع سلمان ومستغربين من السؤال المفاجئ..
وفجأه يسمعون صوت مسج
ضاري:هههههههههههههههههههه وانا اقوول الولد له نيه شينه..
لولو:ضرووي لاتعليق منعاً للاحراااج..
فهد:عبود عندك شريط راشد الجديد؟
عبدالله:ايوه..
لولو وفهد بنفس الوقت:حط اغنية نسيناااكم..
وضحكوا..
لمى وهي تناظر الطريق والسيارات..
اقول فهد..
فهد:اصبري تخلص الاغنيه..
لولو:طول الصوت هذا المقطع يصيح..
وجاء المقطع ((صبرت وصرت انا وقلبي..ندور من يصبرنا....الى اخر الاغنيه))
فهد:ايوه لمى سوري ايش كنتي تبغين..
لمى:كنت ابسألك سؤال بس متردده..
سلمان:قولي لي واذا عادي بقوولك تقولينه..
فهد:لا اصبر لاتتدخل عن ايش تبين تسألين..
لمى:لا خلاص مايحتاج..
فهد:براحتك..
عبدالله:طيب يله انزلوا وصلنا..
نزلوا وتفرقوا واتفقوا على بداية الفلم يتجمعون..
بلسم:لموو ايش كنتي تبين تسألين فهد؟
لمى:كنت بسأله اذا بيشوف معانا الفلم والا لا؟
بلسم وهي مستغربه:يؤ طيب ليش تسالين وليش ماسألتي؟
لمى:ما ادري قلت بشوف اذا هو ملقوف والا لا..
بلسم:لمووو انت من جدك؟
لمى:تكفين مالي خلقك مشي بس خلاص عدت على خير..
بلسم:كيفك بس تعالي..وهي تأشر على قلب لمو:هذا ينبض؟
لمى وهي تتنهد:ايه وسكتت فتره بس مو لفهد..
بلسم:لموويا حبيبتي من متى تحبين؟
لمى:من انولدت والين ما اموت يااااااه لو تشوفينه..
بلسم:مين هو..
لمى:ولد خالتي اخو لينا..
بلسم وهي تفتح عيونها:خـــــــــــــــــ اااالد؟
لمى:ايه ليييش متفاجأه ليش ماينحب؟
بلسم:لا بس لانكم عادي مع بعض وماتوقعتكم ابد ابد تحبون بعض..
لولو جايه مع دانه:اهلا..
بلسم:هلابش وينش فيه؟
دانه:بالبحرين..يله الحين بتجي شوق ومناير..
لولو:انا ابغى اجلس بستار بكس..
بلسم:يله..
منيره:لا اكيد بنلاقي الاولاد..
شوق:يوو يله انا ابغى اتسوق قبل لا يجي وقت الفلم..
لمى:خلاص بكيفكم انا وشوق ومنوري ودندونه بنروح نتمشى وانتم اجلسوا..
لولو:يله مشينا..
بلسم:وهي تمشي لولو تصدقين عندي لك خبر بملاييين..
لولو:وشوووو.
بلسم:لمووو تحب..
لولو:فهـــد؟
بلسم تبغى تشوف ردت فعل لولو((يعني تجس النبض))..ايوه تتخيلين..
لولو:قدرها.. يالله يابلسم ما احب فهد يقهرني بتصرفاااته مغروووور وحتى لمى فيها غرور يركبون على بعض..
بلسم:هههههههههههههههههههه هههههههههههههه كنت احسبك تحبينه قلت بشوف وش بتسوين يووو طلعتي
ماتطيقينه..
لولو:لا مو عن ما اطيقه بس ينرفزني احيانا تحسينه بس يبي كل شي له مغرور واناني..
بلسم:بل بل اجل لو اقوولك هالخبر اللي بيفجعك..
لولو:انتي وش عندك هاليومين؟
بلسم:كيفك تبين اقولك الخبر..
لولو:ايوه اسمعك..
بلسم:لحظه خلينا نجلس ونطلب واقولك..
جلسوا وطلبوا..
لولو:ايوه وين وصلتي..
بلسم:اول شي لموو تحب خالد ولد خالتها تخيلي اخو لينا..
لولو:هههههههههههههه ياحليلها والله بس يمكن خالد مايحبها عاد لمى تحب تتوهم اشياء بس ياخوفي تتحطم
بلسم:انا والله اللي احب اتوهم اشياء ياوييييلي اليوم بالسياره ارسلي مسج ياناااس احبه يااعذابي بليااه..
لولو:الحمدلله والشكر كل هذا عشان مسج بس تصدقين انتي وسلمان كلكم مهبل..
بلسم:يازين الهبال كانه جاي من عنده..
لولو:ياويلي على الحب الله لايطيحني مثل طيحتكم وحده تحب ولد خالتها والثانيه ولد عمها..
بلسم:طيب بكره تكبرين وتعرفين الحب على اصوله..
لولو:الله مكملني بعقلي ولله الحمد وياحياتي هالقلب دايم كرامته منداسه..
بلسم:لولو انتي ليش ماتحبين؟؟
لولو:هههههههههههههههههههه هه مو انتم تقولون الحب من الله انا ربي مارزقني بهالحب..
بلسم:انتي صح تعرفين كل شي عني بس يختي انتي غاااااامضه تخوفين..
لولو:ههههههههه